Dolan muqami dewrimizge kelgende néme üchün yoqap kétish girdabigha kélip qaldi?
2006.09.21
Nechche ming yilliq uzaq tarixi dewrlerdin buyan dolanliq Uyghurlar arisida saqlinip kéliwatqan dolan muqamlirini toluq bilidighan xelq sen'etkarlar, nöwette 300 ge yetmeydu. Mutexessisler dolan muqamining warislarning yétishmesliki seweblik yoqap kétish girdabigha kélip qalghanliqini bildürmekte.
Beziler buninggha muqam ewladlirini yétishtürüshke ehmiyet bérilmigenliki hemde muqamchilarni yétishtüridighan tebi'iy mektep, meshrep pa'aliyetliriningmu ilgirikidek köp ötküzilmeywatqanliqini seweb qilip körsetse, yene beziler buninggha nöwette Uyghurlarning siyasiy, iqtisadiy hemde diniy bésimlargha duch kéliwatqanliqiningmu belgilik tesiri barliqini bildürmekte.
Bu mesile heqqide muxbirimiz gülchéhre chet'ellerdiki Uyghur sen'etkarlarning qarashlirini élish üchün, tonulghan naxshichi, kompozitor küresh kösen ependi bilen "dolan muqami" ning saqlinishida duch kéliwatqan tosalghular heqqide söhbette boldi.