Xitay hökümiti Uyghur aptonom rayonida 'dölet bayrimini qoghdash' üchün 200 ming saqchi seperwer qilghan

Ürümchi xelq meydani etrapidiki, olimpik mesh'el uzitish pa'aliyiti üchün, xitay saqchiliri teripidin qamal qilin'ghan kochilar. 2008-Yili 17-iyun,

 Méhmanxanilar, ijarige bérilgen öyler tekshürüsh nishani

Xitay hökümitining bu herikitide méhmanxanilar, ijarige bérilgen öyler, hetta yiraq jaylardiki mehellilermu tekshürüsh nishani qilinidiken.

Xongkongda chiqidighan 'jenubiy xitay seher géziti' de bayan qilinishiche, xitay hökümiti Uyghur aptonom rayonida pilanlighan bu heriketni qeshqer, kuchar, xoten qatarliq sezgür rayonlarda téximu qattiq élip baridiken. Eger xitay hökümiti melum bir kishini 'jinayetchi' dep qarisa, uning a'ilisi, urugh-tughqanliri, xulum-qoshniliridin hetta pütün mehellidin jawabkarliq sürüshtüridighanliqini jakarlighan.

Xitay hökümitining bu herikiti xelq'ara qanunlarghimu, özining dölet qanunighimu xilap

Washin'gtondiki kristayn yang adwokat shirkitining Uyghur adwokati nuri türkel ependining qarishiche, xitay hökümitining bu herikiti xelq'ara qanunlarghimu, özining dölet qanunighimu xilap.

A'ilisi, xulum-xoshnilirimu gunahkar, dégenni qanun tili bilen chüshendürüsh mumkin emes

Uyghur adwokat nuri türkel ependi xitaydiki qanun bilen xelq'aradiki qanunlarni sélishturup körsetti. Uning éytishiche, bir kishi atalmish gunahkar bolghan bolsa, uning a'ilisi, xulum-qoshnilirimu gunahkar bolidu, dégenni qanun sözi boyiche yaki mentiqe boyiche chüshendürüsh mumkin emes.

Bu --xitayning Uyghurgha qolliniwatqan siyasetlirining meghlub bolghanliqi

Uyghur adwokat nuri türkel ependining qarishiche, xitay hökümitining hazir 'dölet bayrimini qoghdash' dégen nam bilen 200 ming saqchi orunlashturghanliqi-- xitayning Uyghurgha qarita qollinip kéliwatqan siyasetlirining meghlub bolghanliqi. Xitay hökümiti özining siyasetliridiki xataliqlarni tekshürüshi kérek.