Д у қ вәкили дуня демократик һәрикитиниң 6 - нөвәтлик омумий йиғиниға қатнашти

Д у қ ниң баш секретари долқун әйса әпәндимниң германийидики намайишлардин биридә сөз қиливатқан көрүнүшлиридин бири.

Исландийидә йүз бәргән волқан партлаш сәвәбидин яврупаниң һава қатниши тохтап йолда тосулуп қалған долқун әйса әпәнди йиғин ахирлишип алтә күндин кейин, йәни 21 - април күни германийигә йетип кәлди. У һиндонезийә пайтәхти җакартада чақирилған дуня демократик һәрикиниң 6 - нөвәтлик омумий йиғини һәққидә бүгүн бизгә мәлумат берип өтти.
 
Йиғинға һиндонезийә президенти вә башқа дөләтләрниң көплигән юқири дәриҗилик дөләт әрбаплириму қатнашқан. Долқун әйса әпәнди, бу йиғин җәрянида йиғин әһлигә 5 - июл қанлиқ қирғинчилиқини аңлитиш пурситигә еришкәнликини тилға алди. У йәнә, һиндонезийидә уйғурларға һесдашлиқ қилғучи мусулман тәшкилатлириниң рәһбәрлири биләнму учрашқан һәм улар билән иш бирлики тоғрисида кеңәшкән.

Д у қ баш катипи долқун әйса әпәнди, бу йиғинниң уйғурларға ниспәтән алаһидә әһмийәтлик бир йиғин болғанлиқини, уйғурлар мәсилисиниң хәлқарада бәлгилик тәсиргә игә болған бир мәсилә һалиға кәлгәнликини ейтти. У сөзиниң ахирида, йиғин мәзгилидә уюштурулған демократийә көргәзмисигә қоюлған уйғурларға аит материялларниң көплигән инсанларни җәлп қилғанлиқини тилға елип өтти.

Юқиридики аваз улинишидин, бу һәқтики мәлуматимизниң тәпсилатини аңлайсиләр.