Д у қ вә шәрқий түркистан аммиви тәшкилат рәһбәрлири уйғур оғлани мәмәттурсун әпәндини тәқдирләш мурасими өткүзди

Һәр қандақ бир хәлқ өзиниң қәһриман оғул ‏ - қизлирини сөйиду, әсләйду вә бешида көтүриду. Зулумға қарши турушта өзиниң һаятини қурбан қилиштин қилчә иккиләнмәй өлүмгә тәвәккүл қилған шәхисләр хәлқ тәрипидин әң сөйүлгән шәхсләрдур. Ундақ шәхсләр тарих сәһиписигә алтун һәл билән йезилиду.
Мухбиримиз арслан
2008.10.16
Share on WhatsApp
Share on WhatsApp
memet-tursun-ankara-namayishida-305 Сүрәт, 8 - авғуст күнидики намайишта өзигә бензин чечип от қойувәткән мәмәт турсун уйғур түркоғли "йашисун шәрқи түркистан!" дәп тавлимақта. Еғир йаридар болған мәмәт турсун әпәнди қутулдуруш машиниси билән дохтурханиға елип кетилгән. Мәмәт турсун әпәнди 4 - айниң 3 - күни истанбулда олимпик мәшилини өчүрүшкә тәмшилип мувәппәқийәтлик болалмиған икән.
AFP Photo

2008 ‏ - Йиллиқ олимпик мусабиқиси һарписида түркийиниң әнқәрә шәһридә хитайға қарши өткүзүлгән намайишта, хитайниң чидиғусиз зулумиға қарши ғәзәп нәпритини ипадиләш үчүн өзини көйдүрүшкә җүрәт қилған мәмәттурсун уйғур әпәнди икки айдин артуқ вақит ичидә дохтурханида даваланғандин кейин 13 ‏ - өктәбир дүшәнбә күни дохтурниң рухсити билән дохтурханидин өйигә қайтип кәлди. Мәмәт турсун әпәндиниң саламәтлики яхши болсиму техичә пүтүнләй әслигә келәлмигән шуниң үчүн йәнә бир қанчә ай өйидә йетип давалинидикән.

2008 ‏ - Йили 16 ‏ - өктәбир пәйшәнбә күни шәрқий түркистан яшлар тәшкилатиниң мәркизидә дуня уйғур қурултийи қатарлиқ шәрқий түркистан аммиви тәшкилат рәһбәрлири уйғур оғлани мәмәттурсун әпәндидин һал сораш вә уни дуня уйғур қурултийиниң намида шәрәп тахтиси билән тәқдирләш мурасими өткүзүлди. Мурасимға дуня уйғур қурултийиниң муавин башлиқи шундақла қәйсәри шәһридә паалийәт қиливатқан шәрқий түркистан мәдәнийәт вә һәмкарлиқ җәмийитиниң башлиқи сейит түмтүрк әпәнди, шәрқий түркистан маарип вә һәмкарлиқ җәмийитиниң иҗраийә рәиси абликимхан мәхсум, шәрқий түркистан көчмәнләр җәмийитиниң муавин башлиқи яқупҗан, шәрқий түркистан яшлар тәшкилати башлиқи тибәт йүҗәтүрк қатарлиқ шәхсләр иштирак қилди.

Мурасимда дуня уйғур қурултийиниң муавин башлиқи сейт түмтүрк әпәнди сөз қилип, мәмәт турсун әпәндиниң өзини көйдүрүшкә җүрәт қилған җасаритини тәбриклиди шундақла, дуня уйғур қурултийи тәрипидин тәйярланған " миллитигә көрсәткән пидакарлиқи " шәрәп тахтисини тәқдим қилди шундақла дуняниң һәрқайси җайлиридики милләт сөйәр уйғурлар тәрипидин ианә қилинған җәмий 10500 ( он миң бәш йүз) америка доллири пулни мәмәт турсун әпәндиниң давалиниши үчүн тәқдим қилди.

Мурасимда йәнә шәрқий түркистан маарип вә һәмкарлиқ җәмийитиниң иҗраийә башлиқи абликимхан мәхсум мәмәттурсун әпәндини йәнә бир қетим тәбрикләш билән биргә саламәтликиниң тезрақ әслигә келишигә тиләкдашлиқ билдүрди.

Абликимхан мәхсум сөздә йәнә " мәмәт турсун әпәндиниң хитайниң чидиғусиз зулумлириға қарши ғәзәп ‏ - нәпритини ипадиләп өзигә өт қойғанлиқини бир милярд үч йүз милйон хитайға қарши турушта 30 милйон уйғур хәлқиниң ирадисиниң бошашмиғанлиқини ипадиләш, дәп баһа бәрди. Абликимхан мәхсум мәмәт турсун әпәндини йәнә бир қетим тәбрикләш билән биргә саламәтликиниң тезрақ әслигә келишигә тиләкдашлиқ билдүрди.

Биз мурасим ахирида дуня уйғур қурултийи муавин башлиқи сейт түмтүрк әпәнди билән сөһбәт елип бардуқ.
Пикир қошуң

Радиониң ишлитиш шәртлиригә асасән, пикирлириңиз тәкшүргүчиләр тәрипидин тәстиқлиниши вә мувапиқ дәриҗидә тәһрирлиниши түпәйли, тор бәттә дәрһал пәйда болмайду. Сиз қалдурған мәзмунға әркин асия радиоси җавабкар болмайду. Башқиларниң көз қариши вә һәқиқәткә һөрмәт қилишиңизни сораймиз.