نۇر بەكرى يەنە، ئۇيغۇر مىللى ھەرىكىتىنىڭ رەھبىرى رابىيە قادىر خانىمنى ۋە رابىيە خانىم باشچىلىقىدىكى دۇنيا ئۇيغۇر قۇرۇلتىيىنىڭ بۆلگۈنچىلىك ، زوراۋانلىق، تېررورلۇق ھەرىكەتلىرى بىلەن شۇغۇللانغانلىقىنى ئىلگىرى سۈردى.
بولۇپمۇ نۇر بەكرىنىڭ ، رافتو تېنچلىق مۇكاپاتىغا ئېرىشكەن، دۇنيا نوبىل مۇكاپاتىنىڭ كۈچلۈك نامزاتى بولغان، ئامېرىكا پرېزىدېنتى جورج بۇش، ئامېرىكا تاشقى ئىشلار مىنىستىرى كاندىلىزا رايىس قاتارلىق ئامېرىكىنىڭ يۇقىرى دەرىجىلىك رەھبەرلىرىنىڭ ھەمدە ياۋرۇپا ئەللىرىنىڭ دۆلەت رەھبەرلىرىنىڭ قوبۇل قىلىشىغا مۇيەسسەر بولغان شۇنىڭدەك خەلقئارا كىشىلىك ھوقۇق تەشكىلاتلىرىنىڭ قوللىشىغا ئېرىشكەن رابىيە خانىمغا قاراتقان سەلبىي سۆز ۋە ھاقارەتلىرى، چەتئەللەردىكى ئۇيغۇرلارنىڭ قاتتىق نارازىلىقىنى قوزغىدى.
دۇنيا ئۇيغۇر قۇرۇلتىيىنىڭ مۇئاۋىن رەئىسى مەمەت توختى ئەپەندى بۇ مۇناسىۋەت بىلەن زىيارىتىمىزنى قوبۇل قىلىپ، نۇر بەكرىنىڭ سۆزلىرى ئۈستىدە مۇلاھىزە يۈرگۈزدى.
يۇقىرىدىكى ئاۋاز ئۇلىنىشىدىن، مۇخبىرىمىز ئەقىدەنىڭ مەمەت توختى ئەپەندى بىلەن ئۆتكۈزگەن سۆھبىتىنىڭ تەپسىلاتىنى دىققىتىڭلارغا سۇنىمىز.