Д у қ түрк сиясий партийә рәһбәрлиригә уйғур мәсилиси һәққидә доклат сунди

Д у қ муавин башлиқи сейит түмтүрк әпәнди 6 - айниң 26 - күни, түркийә парламенти инсан һәқлири комитети башлиқи зафәр ускулгә билән көрүшүп д у қ ниң паалийәтлири вә уйғур мәсилиси һәққидә мәлумат бәрди.

 Бу зияритидә йәнә сейит түмтүрк әпәнди түркийә парламенти инсан һәқлири комитети башлиқи зафәр ускулгә йеқинда урумчидә сотқа тартилидиған 65 кишиниң әһвали шундақла хитай һөкүмитиниң йеқинда ақсуниң кәлпин наһийисидә чеқивәткән мәсчит һәққидики мәлуматларни ичигә алған бир доклатни сунди.

Шундақла бу доклатта олимпикни баһанә қилип уйғурларға бесим ишлитиватқанлиқиму баян қилинған. Д у қ муавин рәиси сейит түмтүрк әпәнди йәнә сиясий партийә рәһбәрлиригә рабийә қадир ханимниң паалийәтлири шундақла өзиниң японийә зиярити һәққидиму мәлумат бәргән.

Биз бу һәқтә тәпсили мәлумат елиш үчүн бу учришишларни елип барған д у қ муавин рәиси сейит түмтүрк әпәнди билән сөһбәт елип бардуқ.

Юқиридики аваз улинишидин, мухбиримиз әркин таримниң бу һәқтики сөһбәт тәпсилатини аңлайсиләр.