D u q ning chanaqqel'e wilayitide pa'aliyetliri

D u q ning yolyoruqi buyiche 2008 - yili axirliship 2009 - yili kirey dep qalghan bügünki künde yeni 22 ‏ - dékabirda türkiyining gherbiy shimaligha jaylashqan yawrupa bilen asiya qit'esini bir ‏ - biridin ayrip turidighan chanaqqel'e wilayitide etigendin axshamghiche `sherqiy türkistanning ötmüshi we bügüni` témisida doklat bérish pa'aliyiti ötküzülgendin bashqa, muhim uchrishishlar élip bérilghan.
Muxbirimiz erkin tarim
2008-12-22
Élxet
Pikir
Share
Print
22 - Dékabirda türkiyining chanaqqele wilayitide `sherqiy türkistanning ötmüshi we bügüni` témisida, d u q muawin bashliqi, séyit tümtürk ependi söz bériwatqan körünüsh.
22 - Dékabirda türkiyining chanaqqele wilayitide `sherqiy türkistanning ötmüshi we bügüni` témisida, d u q muawin bashliqi, séyit tümtürk ependi söz bériwatqan körünüsh.
RFA Photo / Erkin Tarim

D u q mu'awin bashliqi, sherqiy türkistan medeniyet we hemkarliq jem'iyiti bashliqi séyit tümtürk ependi bilen kök bayraq zhurnilining bash tehriri tursun suydungli ependi chanaqqel'e 18 ‏ - mart uniwérsitéti türk medeniyiti we tarixi uyushmisining teklipige bina'en 12 - ayning 22 - küni etigen chanaqqel'ege yétip barghan.

D u q mu'awin bashliqi séyit tümtürk bashchiliqidiki bu hey'etni aldi bilen chanaqqel'e sheher bashliqi isma'il yasharoghuz ependi hökümet binasidiki ishxanisida qobul qilip, séyit tümtürk ependidin Uyghurlarning hazirqi weziyiti we chet'eldiki sherqiy türkistan teshkilatlirining pa'aliyetliri heqqide melumat alghan. Kéyin hey'et sheher bashliqigha özliri chiqiriwatqan kökbayraq zhurnili, ay yultuzluq kök bayraq we sowghatlar teqdim qilghan.

 Kéyin chanaqqel'e walisi orxan qirli, chanaqqel'e 18 ‏ - mart uniwérsitéti mudiri prof. Dr. Ali aqdémir ependiler qobul qilghan. Bu rehberler séyit tümtürk ependi bashchiliqidiki hey'etni qizghin kütüwalghan bolup, séyit ependimu ulargha xitaylarning Uyghurlargha élip bériwatqan bésim siyasiti, Uyghur mesilisining hazirqi ehwali heqqide melumat bergendin bashqa, Uyghurlarning türkiyidin kütken ümidlirini éytip ötken.

Kéyin séyit tümtürk ependi uniwérsitétning chong zalida `sherqiy türkistanning ötmüshi we bügüni` témisida doklat bergen bolup, bu yighin'gha oqutquchi, oqughuchilardin bolup, 500 etrapida kishi qatnashqan. D u q mu'awin re'isi séyit tümtürk ependi bügün axsham qanal 17 téléwiziyisige chiqip Uyghur mesilisini anglatmaqchi iken.

Biz chanaqqel'ede élip bérilghan bu bir künlük pa'aliyet heqqide tepsiliy melumat élish üchün d u q mu'awin bashliqi séyit tümtürk ependi bilen söhbet élip barduq.

Toluq bet