D u q 4-nöwetlik wekiller qurultiyigha saylinidighan wekillerning salahiyiti heqqide uqturush élan qildi

Bu qétimqi qurultaygha qatnishidighan wekillerning süpet, salahiyitige alahide étibar bérish qurultayning közligen meqsitini muweppeqiyetlik ishqa ashurush üchün zörür.
Ixtiyariy muxbirimiz erkin tarim
2012.01.26
dolqun-eysa-kishilik-hoquq.jpg D u q ning bash katipi dolqun eysa ependi muxbirlarning so'allirigha jawab bermekte. 2011-Yili 12-séntebir, shwétsariye.
RFA/Ekrem

Dunya Uyghur qurultiyining uchur tarqitishiche, dunya Uyghur qurultiyi da'imiy komitéti muzakire qilish arqiliq, d u q ning 4-nöwetlik wekiller qurultiyi we 6-nöwetlik Uyghur rehberlerni terbiyilesh programmisini 2012-yili 5-ayning 14-künidin 20-künigiche yaponiyining paytexti tokyoda échishni qarar qilghandin kéyin, mexsus “Qurultay teyyarliq komitéti” qurup , teyyarliq xizmetlirini jiddiy shekilde élip bérishqa bashlighan.

Teyyarliq komitéti 15 künde bir qétim téléfon yighini chaqirip teyyarliq xizmitini ching tutup ishlimekte. 1-Ayning 22-küni chaqirilghan 4-nöwetlik téléfon yighinida qurultaygha saylinidighan wekillerning salahiyiti we dunyaning herqaysi jaylirida pa'aliyet élip bériwatqan sherqiy türkistan ammiwi teshkilatlirining wekillerning tizimlikini 2-ayning 15-künigiche dunya Uyghur qurultiyining merkizige ewetishke oxshash bir yürüsh qararlar maqullinip élan qilindi. Bulardin bashqa qurultayning rehberlikige namzat bolushning shertlirimu békitildi. Bu qararlar dunyaning herqaysi jayliridiki teshkilatlarghimu ewetildi.

Biz igiligen melumatlargha asaslan'ghanda, bu qétimqi qurultayda, muhajirette pa'aliyet élip bériwatqan barliq sherqiy türkistan teshkilatlirining wekilliri, jama'et erbabliri, wetenperwer zatlar, ziyaliylar we yashlar wekillirining qatnishishi bilen sherqiy türkistan dewasini téximu küchlendürüshning chare-tedbirliri, pilan-programmiliri muzakire qilinip muhim qararlar maqullinidiken. D u q bash katipi dolqun eysaning éytishiche yuqiridiki sewebler tüpeylidin bu qétimqi qurultaygha qatnishidighan wekillerning süpet, salahiyitige alahide étibar bérish qurultayning közligen meqsitini muweppeqiyetlik ishqa ashurush üchün zörür iken.

Bu heqte téximu tepsiliy melumat élish üchün qurultayning teyyarliq komitéti mes'ulliridin biri dolqun eysa bilen söhbet élip barduq.

Pikir qoshung

Radi'oning ishlitish shertlirige asasen, pikirliringiz tekshürgüchiler teripidin testiqlinishi we muwapiq derijide tehrirlinishi tüpeyli, tor bette derhal peyda bolmaydu. Siz qaldurghan mezmun'gha erkin asiya radi'osi jawabkar bolmaydu. Bashqilarning köz qarishi we heqiqetke hörmet qilishingizni soraymiz.