D u q hey'iti yaponiyidiki musulmanlargha Uyghur mesilisini chüshendürdi

D u q ning orunlashturushi bilen d u q mu'awin bashliqi séyit tümtürk ependi 6 - ayning 9 - künidin 16 - künigiche yaponiyige élip barghan ziyariti jeryanida tokyodiki musulman jama'itigimu Uyghur mesilisini anglatqan. Yaponiyidiki musulmanlarmu Uyghur mesilisidin xewerdar ikenlikini Uyghurlargha yardem qilidighanliqini ipadileshken.
Muxbirimiz erkin tarim xewiri
2008-06-20
Share
muhiti--qebrisi-305 Yaponiyining tokyo shehridiki musulmanlar mazirigha jaylashqan général mexmut muhitining tughqanlirining qebriliridin körünüsh.
RFA Photo / Erkin Tarim

 Kéyin séyit tümtürk we yaponiye Uyghur jemiyiti bashliqi ilham mexmut bashchiliqidiki hey'et yaponiyining tokyo shehridiki musulmanlar mazirigha bérip général mexmut muhitining tughqanlirining qebriliri bar qebristanliqnimu ziyaret qilip Uyghur shéhitlirining rohigha patihe oqughan.

Biz bu heqte tepsili melumat élish üchün d u q mu'awin bashliqi séyit tümtürk ependi we yaponiye Uyghur jemiyiti bashliqi d u q ning yaponiye wekili ilham maxmut ependi bilen téléfon ziyariti élip barduq.

Ilham maxmut ependi radi'omizgha qilghan sözide yaponiye Uyghur jem'iyitining tunji pa'aliyitini 6 - ayning 25 - küni ötküzilidighan namayish bilen bashlaydighanliqini buningdin kéyinki pa'aliyetliride yaponiyidiki musulman jama'itigimu sherqiy türkistan mesilisini anglitishqa alahide ehmiyet béridighanliqini éytti.

Yuqiridiki awaz ulinishidin, bu heqte élip barghan söhbitimizning tepsilatini anglaysiler.


Pikir qoshung

Radi'oning ishlitish shertlirige asasen, pikirliringiz tekshürgüchiler teripidin testiqlinishi we muwapiq derijide tehrirlinishi tüpeyli, tor bette derhal peyda bolmaydu. Siz qaldurghan mezmun'gha erkin asiya radi'osi jawabkar bolmaydu. Bashqilarning köz qarishi we heqiqetke hörmet qilishingizni soraymiz.

Toluq bet