Ekrem muminof : qirghizistan Uyghurlirining rohi ozuqi yenila wetendin kélidu
2012.11.28
Xelq sen'etkari ekrem mömin amérikida. 2012-Yili 26-noyabir, washin'gton.
Amérikida ziyarette boluwatqan qirghizistanliq Uyghur xelq sen'etkari ekrem muminofning éytishiche, bu jumhuriyettiki her bir Uyghur ana weten méhrisiz, ana weten muhebbitisiz we ana weten rohi ozuqisiz yashiyalmasliqi mumkin. Yillarning ötüshi we ewladlarning almishishi ularning ana weten söygüsini suslashturalmidi, eksiche téximu kücheytmekte. Yéqinqi yillardin buyan yash ewladlarning öz milliy medeniyiti, milliy sen'iti we ana tilini öginishke bolghan qiziqishi hessilep ashmaqta.
Qirghizistandiki Uyghurlarning sani heqqide türlük melumatlar mewjut. Qirghizistan jumhuriyitining hökümet statistikisi boyiche alghanda, bu jumhuriyettiki Uyghurlarning nopusi 1999-yili, 46 ming, 2012-yili, 50 ming dep élan qilin'ghan. Emma, bezi qirghiz we Uyghur mutexessisliri Uyghurlarning emeliyettiki sanining 150 mingdin artuq ikenlikini yézishidu.
Uyghurlar qirghizistanning bishkek shehiri we uning etrapidiki pokirofka, lébédinofka, alato, chetköl qatarliq jaylargha shuningdek qara balta, qaraqol, toqmaq, osh, qarasu, özgend we jalal abad qatarliq chong kichik sheherlirige tarqalghan. Bishkek shehiri we uning etrapi Uyghurlarning zich olturaqlashqan merkezliridin hésablinidu.
Köp körülgen xewerler
RFA
- Istanbulda “Uyghur mehellisi” qurulushining pütüp chiqishi munasiwiti bilen échilish murasimi ötküzüldi
- Toronto uniwérsitéti doklati: “Uyghur ayal kishilik hoquq qoghdighuchiliri we zhurnalistlar xitayning misli körülmigen basturushigha uchrighan”
- Uyghur wekilliri türkiye parlaméntidin Uyghur qirghinchiliqini öz küntertipige qoyushni telep qildi
- B d t da milletlerning wekillik qilish heq-hoquqliri muhakime qilindi
- Xitayning Uyghurlargha “Men junggoluq” dep sözlitidighan teshwiqat widiyoliri köplep tarqalmaqta