Italiyide insan heqliri pa'aliyetchilirini éléktronluq uchur téxnikliri bilen terbiyilesh mektipi échildi

B b s ning xewerlirige asaslan'ghanda, amérika teripidin qurulghan yawropadiki robért kénnédi heqqaniyet we insan heqliri merkizi yéqinda italiyining floréns shehiride dunyadiki insan heqliri pa'aliyetchilirini eng yéngi éléktronluq uchur téxnikliri bilen terbiyilesh kespi achqan.
Ixtiyariy muxbirimiz ruqiye
2012.11.29

Italiye eyni chaghdiki bir türmini bu mektepke i'ane qilghan. Bu mektep aldimizdiki birinchi aydin bashlap resmiy oqughuchi qobul qilidighan bolup, qobul qilinidighan oqughuchilarning insan heqliri pa'aliyetchisi bolushi, insan heqliri üchün özini béghishlighan bolushidek arqa körünüshler qattiq shert qilinidiken. Oqughuchilargha yéngi téxnikilarni qandaq qollinish, téléfon söhbiti, élxet we widé'olargha sélinidighan uchurlarni ewetkende, zulum qiliwatqan hökümetning süzüsh torigha chüshüp qélishtin qandaq saqlinish shundaqla insan heqliri qanunliri, exlaqiy prinsiplar ögitilidiken. Bu kesip nurghun insan heqliri pa'aliyetchilirining qollishigha érishken.

Éléktronluq uchur insanlarning zulumgha qarshi turushta bir ‏- biri bilen alaqe qilishi we bir‏-birini oyghitishida muhim ehmiyetke ige. Uning ereb bahari herikitide oynighan roli we shundaqla ürümchidiki 5‏-iyul weqesining kélip chiqishigha türtke bolghanliqi nahayiti éniq. Zorawan hökümetlerning xelq'aradin we keng xelq ammisidin yoshurun halda yürgüzüwatqan jinayetlirining éléktronluq uchur arqiliq ashkarilinishi shu dölet tüzülmisige tesir körsitelemdu? insanlarni dawamlishiwatqan zulumgha xatime bérish üchün küresh qilishqa uyushturup meydan'gha élip chiqalamdu? biz bu heqte kanadadiki insan heqliri pa'aliyetchisi ömerjan böre bilen söhbet ötküzduq.

Pikir qoshung

Radi'oning ishlitish shertlirige asasen, pikirliringiz tekshürgüchiler teripidin testiqlinishi we muwapiq derijide tehrirlinishi tüpeyli, tor bette derhal peyda bolmaydu. Siz qaldurghan mezmun'gha erkin asiya radi'osi jawabkar bolmaydu. Bashqilarning köz qarishi we heqiqetke hörmet qilishingizni soraymiz.