Күзәткүчиләр уйғур елидә йолға қоюлуватқан “әмәлийләштүрүш чариси” ниң хәлқара қанунларға хилаплиқини билдүрмәктә

Әмәлийләштүрүш чарисидә уйғур елидә йүз бәргән туюқсиз вәқәләрни әң тез сүрәттә бир тәрәп қилишни чеқиш қилған бир қатар йеңи бәлгилимиләр бәлгиләп чиқилған. Көзәткүчиләр буниң уйғур елидики сотсиз өлүм вәқәлирини қануний асасқа игә қилидиғанлиқини билдүрмәктә.

Уйғур аптоном район даирилири йеқинда бәлгиләп чиққан “әмәлийләштүрүш чариси” да уйғур елидики сақчи органлириниң уқ даирисини кеңәйтидиған төвәндикидәк маддилар бекитилгән.

Мәсилән униңда “дөләтниң бихәтәрлики вә амминиң мәнпәитигә зиян йәткүзидиған, пуқраларниң җисманий вә маддий бихәтәрликигә зиянлиқ аммиви характердики вәқәләр вә террорлуқ, зораванлиқ вәқәлири йүз бәрсә шу орундики җамаәт хәвпсизлик органлириниң нәқ мәйдандики вәзийәткә асасән қаттиқ чарә қоллиниши, вәқәни алдин - ала вә тез сүрәттә бир тәрәп қилиши күчкә игә” қилинған.

“әмәлийләштүрүш чариси” да йәнә әрқандақ орун вә шәхсниң мушундақ җиддий вәқәләр әққидә учур бериши вә вәқәниң тәрәққияти, сақчиларниң уни бир тәрәп қилиш усулини хәвәр қилиши қәтий мәни қилинған.

Хитай даирилириниң “җуңхуа хәлқ җуурийитиниң җиддий вәқәләрни бир тәрәп қилиш қануни” ни уйғур елиниң әмәлий вәзийитигә асасән иҗра қилиш нами астида мәхсус “әмәлийләштүрүш чариси” бекитишиниң мәқсити немә, бу чариниң қандақ чүшинишкә болиду. Биз бу әқтә түркийә әттәпә университетиниң оқутқучиси доктур әркин әкрәм әпәндини зиярәт қилдуқ.