Küzetküchiler Uyghur élide yolgha qoyuluwatqan “Emeliyleshtürüsh charisi” ning xelq'ara qanunlargha xilapliqini bildürmekte

Emeliyleshtürüsh chariside Uyghur élide yüz bergen tuyuqsiz weqelerni eng téz sür'ette bir terep qilishni chéqish qilghan bir qatar yéngi belgilimiler belgilep chiqilghan. Közetküchiler buning Uyghur élidiki sotsiz ölüm weqelirini qanuniy asasqa ige qilidighanliqini bildürmekte.

Uyghur aptonom rayon da'iriliri yéqinda belgilep chiqqan “Emeliyleshtürüsh charisi” da Uyghur élidiki saqchi organlirining uq da'irisini kéngeytidighan töwendikidek maddilar békitilgen.

Mesilen uningda “Döletning bixeterliki we ammining menpe'itige ziyan yetküzidighan, puqralarning jismaniy we maddiy bixeterlikige ziyanliq ammiwi xaraktérdiki weqeler we térrorluq, zorawanliq weqeliri yüz berse shu orundiki jama'et xewpsizlik organlirining neq meydandiki weziyetke asasen qattiq chare qollinishi, weqeni aldin - ala we téz sürette bir terep qilishi küchke ige” qilin'ghan.

“Emeliyleshtürüsh charisi” da yene erqandaq orun we shexsning mushundaq jiddiy weqeler eqqide uchur bérishi we weqening tereqqiyati, saqchilarning uni bir terep qilish usulini xewer qilishi qet'iy men'i qilin'ghan.

Xitay da'irilirining “Jungxu'a xelq ju'uriyitining jiddiy weqelerni bir terep qilish qanuni” ni Uyghur élining emeliy weziyitige asasen ijra qilish nami astida mexsus “Emeliyleshtürüsh charisi” békitishining meqsiti néme, bu charining qandaq chüshinishke bolidu. Biz bu eqte türkiye ettepe uniwérsitétining oqutquchisi doktur erkin ekrem ependini ziyaret qilduq.