Enqerening xojatepe meschiti we xitay elchixanisi aldida erkinlik mesh'ilini yetküzüsh namayishi ötküzüldi

Olimpik musabiqisi ötküzülüshke az qalghan shu künlerde dunyaning herqaysi jayliridiki Uyghurlar olimpikke qarshi naraziliq pa'aliyetlirini toxtatmay dawam qilmaqta. 6 - Ayning 27 - küni enqerede béyjing olimpik mesh'ilige qarshi erkinlik mesh'ilini yetküzüsh chong namayishi élip bérildi.
Muxbirimiz erkin tarim xewiri
2008-06-27
Élxet
Pikir
Share
Print
Sürette, 6 - ayning - 27 küni enqerede élip bérilghan olimpikke qarshi erkinlik meshilini yetküzüsh namayishidin körünüsh.
Sürette, 6 - ayning - 27 küni enqerede élip bérilghan olimpikke qarshi erkinlik meshilini yetküzüsh namayishidin körünüsh.
RFA Photo / Erkin Tarim

 Meydisige `olimpikke qarshi turimiz` dégen xet bésilghan, dümbe teripige bolsa  kök bayraq we `Uyghurlargha erkinlik` dégen sözler bésilip alahide teyyarlan'ghan aq maykilarni kiyishken Uyghur yashliri we nurghunlighan Uyghur dostliri enqere shundaqla türkiyining eng chong jameliridin biri bolghan xojatepe jameside olimpik mesh'ilining Uyghur diyaridin ötüshige naraziliq bildürüsh namayishi ötküzdi.

Namayishta xitaylarning Uyghurlargha élip bériwatqan zulumi bayan qilin'ghan "körünglar bu wehshiylikni, sherqiy türkistanda némiler boluwatidu" témisidiki teshwiq waraqliri tarqitildi. Jüme namizidin kéyin Uyghur diyarida öltürülgen shéhitlerning namigha atap qur'an oquldi. Jamedin chiqqan namayish ehli kéyin enqerening ghazi osman pasha mehellisige jaylashqan xitay elchixanisining aldigha yétip keldi. Bu yerni nurghunlighan saqchilar qoghdawatqan idi.

Xitay elchixanisi aldidiki bu namayishqa türkiye kadirlar uyushmisi ezaliri, türkiyining enqere, qeyseri we istanbul sheherliridin kelgenlerdin chong‏ - kichik bolup 200 etrapida kishi qatnashti. Namayish ehli birdek "sherqiy türkistan'gha erkinlik, xitaylar sherqiy türkistandin chiqip ketsun, xitayda olimpik musabiqisi ötküzüshke ruxset qilghanlar xitay qilghan jinayetke ortaq bolghan hésablinidu, qatil xitay " dégen'ge oxshash shu'arlarni towlashti. Namayish axirida xitay elchixanisining ishikige qara gülchembirek qoyuldi. Türkiyide qara gülchembirek insaniyetke qarshi jinayet ötküzgenlerni eyiblash üchün qoyilidu.

Bu qétimliq namayish dunya Uyghur qurultiyining bir tutash orunlashturushigha asasen sherqiy türkistan medeniyet we hemkarliq jem'iyiti enqere shöbisi mes'uli xeyrullah efendigilning tirishchanliqi netijiside uyushturuldi.

D u q mu'awin re'isi séyit tümtürk ependi bolsa qeyseridiki namayishchi ammini teshkillep 3 aptowuz kishi bilen bu namayishqa awaz qoshush üchün enqerege keldi. U namayish jeryanida muxbirlargha bayanat berdi.

Yuqiridiki awaz ulinishidin, muxbirimiz erkin tarimning neq meydandin ewetken melumatining tepsilatini anglaysiler.

Toluq bet