Ereb qoltuqi döletliri hemkarliq kéngishi chong qurultay chaqirdi

Qurultaygha se'udi erebistan padishahliqining text warisi emir selman ibni abdul'eziz riyasetchilik qildi. Qurultayning échilish nutqini behreyn dölitining emiri padishah hemd ibni isa sözlidi.

Se'udi erebistanida chiqidighan:“Okaz”gézitining2012 - yili12 - ayning 25 - künidiki sanida, “Ereb qoltuqi döletliri hemkarliq kéngishi ittipaqqa özgirish harpisida” dégen témida bir maqale élan qilin'ghan bolup, maqalide mundaq dep yézilghan:“Ereb qoltuqi döletliri hemkarliq kéngishi 30 yilliq tereqqiyati jeryanida, eza döletler arisidiki qérindashliqni kücheytish, öz - ara siyasiy, iqtisadiy we ijtima'iy tereplerdin hemkarlishish jehetlerde zor utuqlarni qolgha keltürdi. Ötken yili se'udi erebistan padishahi abdullaning teklipi bilen kéngeshni ittipaqqa özgertish qarari élin'ghan bolup, ittipaqning bir yürüsh qanun - tüzümliri we layihesi otturigha qoyulghan idi. Hazir mename shehiride chaqirilghan 33 - nöwetlik qurultay del bu mesilini axirigha chiqirish we ittipaqni qurush üchün chaqirilghan bolup, ereb döletliri arisidiki her xil kirizisler ittipaqning tizrek tesis qilinishini teqeza qilmaqta. Shunga nöwettiki qurultayning her tereptin ehmiyiti chong bolmaqta.”

“Ereb qoltuqi döletliri hemkarliq kéngishi”ning tarixi we da'irisi

“Ereb qoltuqi döletliri hemkarliq kéngishi” 1981 - yili25 - may küni se'udi erebistanining paytexti riyad shehiride tesis qilin'ghan rayon xaraktérlik chong teshkilat bolup, ereb birleshme xelipilikining sabiq emiri zayid ibni sultanning tirishchanliqi bilen meydan'gha kelgen.

“Ereb qoltuqi döletliri hemkarliq kéngishi”ge eza döletler se'udi erebistani, qatar, kuwéyt, behreyn, ereb birleshme xelipiliki, uman qatarliq 6 bolup, yemen, iraq we marakesh qatarliq döletler bu kéngeshke eza bolush üchün yillardin biri namzat bolup turmaqta iken. Kéngeshning hazirqi bash katibi abdulétip ibni rashid dégen kishidur”