Ézilgen milletler we az sanliq xelqlerning erkinlik yürüshi

22 - Öktebir küni ézilgen milletler we az sanliq xelqlerning 4 - nöwetlik xelq'araliq erkinlik yürüshi pa'aliyiti bérlin, parizh we rim sheherliride ötküzülgen.
Ixtiyariy muxbirimiz ekrem
2011-10-23
Share
erkinlik-marshi2.jpg Ézilgen milletler we az sanliq xelqlerning 4 - nöwetlik xelq'araliq erkinlik yürüshi pa'aliyitidin körünüsh
RFA/Ekrem

D u q rehberlirining bergen melumatlirigha asaslan'ghanda, merkizi italiyide bolghan erkin medeniyet jem'iyitining orunlashturushi we dunya Uyghur qurultiyi, tibet teshkilatliri, birma kishilik hoquq teshkilatliri, öktichi iranliqlar, wétnam kishilik hoquq teshkilatlirining hemkarlishishi bilen 10-ayning 22-küni oxshash bir waqitta bérlin, parizh  we   rim sheherliride ötküzülgen  4-nöwetlik xelq'araliq erkinlik yürüshi pa'aliyitige köp sanda Uyghurlarmu qatnashqan.

Pa'aliyetning italiye paytexti rimdiki qismigha Uyghur milliy herikiti rehbiri rabiye qadir xanimmu ishtirak qilghan bolup, Uyghurlar mesilisi témisida nutuq sözligen hemde italiyining siyasiy erbabliri, dunyaning herqaysi jayliridin kelgen ammiwi teshkilatlar rehberliri we metbu'at xadimliri bolup köp qatlam kishiler bilen uchriship, Uyghur dawasining italiyide tonushturulushigha töhpe qoshqan.

erkinlik-marshi1.jpg
Ézilgen milletler we az sanliq xelqlerning 4 - nöwetlik xelq'araliq erkinlik yürüshi pa'aliyitidin körünüsh
RFA/Ekrem



 Bérlindiki pa'aliyetke d u q rehberlirining yétekchilikide myunxén we bérlindin yighilghan Uyghurlar, parizhdiki pa'aliyetke bolsa firansiye Uyghur komitétining yétekchilikide fransiyidiki Uyghurlar ishtirak qilghan. Biz bu pa'aliyetning tepsilatidin xewerdar bolush meqsitide, bérlindiki namayishqa ishtirak qilghan bir qisim Uyghur siyasiy pa'aliyetchilirini ziyaret qilduq. D u q yashlar komitéti re'isi gheyur qurban we d u q bash katipi dolqun eysa ependiler bu pa'aliyet toghrisida melumat bérip ötti.
 
Bu qétimqi erkinlik namayishining asasliq témisi Uyghur, tibet, iran, birma xelqlirining heq-hoquqini qoghdashtin ibaret bolup, köp sanda Uyghur, tibet, birma, iranliqlar bilen birge yene, namayish bolghan döletlerdiki siyasiy partiyilerning wekilliri, herqaysi döletlerning parlamént ezaliri, xelq'ara kishilik hoquq teshkilatlirining wekillirimu bu qétimliq pa'aliyetke qatnashqan.

Pikir qoshung

Radi'oning ishlitish shertlirige asasen, pikirliringiz tekshürgüchiler teripidin testiqlinishi we muwapiq derijide tehrirlinishi tüpeyli, tor bette derhal peyda bolmaydu. Siz qaldurghan mezmun'gha erkin asiya radi'osi jawabkar bolmaydu. Bashqilarning köz qarishi we heqiqetke hörmet qilishingizni soraymiz.