Uyghur dewager: xitayda héchqandaq hoquqimiz kapaletke ige emes

Xitay da'iriliri Uyghur dewagerning derdini anglap uning dewasini hel qilishning ornigha, uninggha "Öz hoquqni üchün dewa qilish heqliq" dégen hökümni sowgha qilip, uni yurtigha yolgha sep qoyghan.
Ixtiyariy muxbirimiz ruqiye
2013-01-26
Élxet
Pikir
Share
Print
Süret, 2010 - yili 18 - awghust, uyghur erzdar tursun ghopur béyjingdiki melum köwrük astida boshün tori muxbirining ziyaritini qobul qiliwatqandiki körünüshi.
Süret, 2010 - yili 18 - awghust, uyghur erzdar tursun ghopur béyjingdiki melum köwrük astida boshün tori muxbirining ziyaritini qobul qiliwatqandiki körünüshi.
www.peacehall.com Din élindi.


Bu heqte pikri yürgüzgen közetküchlerning qarishiche, bu yillardin béri erz qilip derni anglaydighan yer tapalmaywatqan Uyghur erzdarlar mesilisi üchün bir yéngiliq bolsimu, emma bu yenila Uyghur élidiki négizlik hoquq mesilisini hel qilalmaydiken.

9 Yil erz qilip aran yuqiriqi jawabqa eshken Uyghur erzdar obul hesen ziyaritimizni qobul qilip, öz béshidin ötkenlirini bayan qildi.

Bundin toqquz yil burun yéziliq hökümet kadirliri obul hesenni we uning ayalini charwa kalanggha urulghan waksina heqqi15 yüen pulni töliyelmiding, dégen seweb bilen hoylisigha bésip kirip dumbalighan.

Obul hesenning béshigha toqmaq bilen urup éghir zeximlendürgen, arqidin uni doxturluq salahiyiti yoq doxturgha körsetken. Obul hesen bu toghrida toxtilip mundaq dédi: ular méni doxturluq salahiyiti yoq doxturgha körsitip 12 kün dawalap saq dégen ispatni chiqardi. Men doxturgha ishen'genlikim üchün waqtida dawalinishtinmu mehrum qaldim.

U yene yéza kadirlirining Uyghur déhqanlarni dawamliq bozek qilip kéliwatqanliqini bildürdi.

Obul hesen 9 yildin béri erz qilip kéliwatqan bolup héchqandaq netijige érishelmigen, emma "Erz qilishing yolluq" dégen maxtashqa ériship yolgha sélin'ghan. U özi erz qiliwatqan xitay qanun heqqide toxtaldi.

Xitayning xuddi obul hesen éytqandek alqishlashqa tégishlik qanunlirining küchke ige bolalmasliqidiki mahiyetlik seweb nede?

Bu rastinila xitay dölet xadimlirining qanunni toghra ijra qilmasliq mesilisimu? biz bu toghrida Uyghur kanada jem'iyitining re'isi adil abbas bilen söhbet ötküzduq. Adil abbas, muxbirimizning so'aligha jawab bérip bezi muhim nuqtilarni otturigha qoydi.

Toluq bet