Әзәрбәйҗанда уйғур драмичилиқи

Йеқинқи йиллардин бери дуняниң һәр қайси җайлирида уйғурлар һәққидики тәтқиқатлар барғансери көпәймәктә. Әзәрбәйҗан дөләт мәдәнийәт вә гүзәл сәнәт университети тәрипидин нәшр қилинған `мәдәнийәт дуняси` намлиқ әсәрдә, уйғур әдәбиятидики драмичилиққиму йәр берилгән.
Мухбиримиз әркин тарим хәвири
2008-07-22
Share
ali-shamil-305 Әзәрбәйҗанда тонулған әдәбийатчи али шамил әпәнди вә `уйғур әдәбийатида драмичилиқ` темисидики мақалиси.
RFA Photo / Erkin Tarim

 Китабта әзәрбәйҗанлиқ тонулған мәдәнийәтшунас, тиятир тәтқиқатчилири, кино вә телевизийә тәтқиқатчилири, музикашунаслар, пәйласоп, тилшунас, драматорг вә архиологлар язған мақалиләргә йәр берилгән.

Буларниң ичидә, әзәрбәйҗанда тонулған әдәбиятчи али шамил әпәнди язған `уйғур әдәбиятида драмичилиқ` темисидики узун бир мақалигә йәр берилгән. Мақалидә уйғур әдәбияти вә уйғур драмичилиқидин омумий мәлумат берилгәндин кейин, уйғур драмичилиқиниң тарихи, һазирқи заман уйғур дирамичилиқиниң мәйданға келиши вә тәрәққияти, хуласә қатарлиқ бөлүмләргә йәр берилгән. Бу мақалини язған әзәрбәйҗан пәнләр академийиси фолклор тәтқиқат мәркизи тәтқиқатчиси али шамил әпәнди, бу мақалиниң әзәрбәйҗанда уйғур әдәбиятини җүмлидин уйғур драмичилиқини тонуштуруш үчүн интайин муһим икәнликини тәкитлиди.

Китаб 328 бәттин тәркип тапқан болуп әзәрбәйҗан баку нурлан нәшрияти тәрипидин нәшр қилинған. Биз бу китабтики `уйғур әдәбиятидики драмичилиқ` намлиқ мақалини чөридигән һалда аптор али шамил әпәнди билән сөһбәт елип бардуқ.

Юқиридики аваз улинишидин, мухбиримиз әркин таримниң бу һәқтики мәлуматиниң тәпсилатини аңлайсиләр.

Пикир қошуң

Радиониң ишлитиш шәртлиригә асасән, пикирлириңиз тәкшүргүчиләр тәрипидин тәстиқлиниши вә мувапиқ дәриҗидә тәһрирлиниши түпәйли, тор бәттә дәрһал пәйда болмайду. Сиз қалдурған мәзмунға әркин асия радиоси җавабкар болмайду. Башқиларниң көз қариши вә һәқиқәткә һөрмәт қилишиңизни сораймиз.

Толуқ бәт