Ezerbeyjanda Uyghur dramichiliqi

Yéqinqi yillardin béri dunyaning her qaysi jaylirida Uyghurlar heqqidiki tetqiqatlar barghanséri köpeymekte. Ezerbeyjan dölet medeniyet we güzel sen'et uniwérsitéti teripidin neshr qilin'ghan `medeniyet dunyasi` namliq eserde, Uyghur edebiyatidiki dramichiliqqimu yer bérilgen.
Muxbirimiz erkin tarim xewiri
2008-07-22
Share
ali-shamil-305 Ezerbeyjanda tonulghan edebiyatchi ali shamil ependi we `uyghur edebiyatida dramichiliq` témisidiki maqalisi.
RFA Photo / Erkin Tarim

 Kitabta ezerbeyjanliq tonulghan medeniyetshunas, tiyatir tetqiqatchiliri, kino we téléwiziye tetqiqatchiliri, muzikashunaslar, peylasop, tilshunas, dramatorg we arxi'ologlar yazghan maqalilerge yer bérilgen.

Bularning ichide, ezerbeyjanda tonulghan edebiyatchi ali shamil ependi yazghan `Uyghur edebiyatida dramichiliq` témisidiki uzun bir maqalige yer bérilgen. Maqalide Uyghur edebiyati we Uyghur dramichiliqidin omumiy melumat bérilgendin kéyin, Uyghur dramichiliqining tarixi, hazirqi zaman Uyghur diramichiliqining meydan'gha kélishi we tereqqiyati, xulase qatarliq bölümlerge yer bérilgen. Bu maqalini yazghan ezerbeyjan penler akadémiyisi folklor tetqiqat merkizi tetqiqatchisi ali shamil ependi, bu maqalining ezerbeyjanda Uyghur edebiyatini jümlidin Uyghur dramichiliqini tonushturush üchün intayin muhim ikenlikini tekitlidi.

Kitab 328 bettin terkip tapqan bolup ezerbeyjan baku nurlan neshriyati teripidin neshr qilin'ghan. Biz bu kitabtiki `Uyghur edebiyatidiki dramichiliq` namliq maqalini chöridigen halda aptor ali shamil ependi bilen söhbet élip barduq.

Yuqiridiki awaz ulinishidin, muxbirimiz erkin tarimning bu heqtiki melumatining tepsilatini anglaysiler.

Pikir qoshung

Radi'oning ishlitish shertlirige asasen, pikirliringiz tekshürgüchiler teripidin testiqlinishi we muwapiq derijide tehrirlinishi tüpeyli, tor bette derhal peyda bolmaydu. Siz qaldurghan mezmun'gha erkin asiya radi'osi jawabkar bolmaydu. Bashqilarning köz qarishi we heqiqetke hörmet qilishingizni soraymiz.

Toluq bet