ئۇيغۇرلار 8-ئىيۇل پارىژ شەھىرىدىكى سامىشەل مەيدانىدا نامايىش ئۆتكۈزدى

7-ئاينىڭ 8-كۈنى چۈشتىن كېيىن سائەت ئىككىدە ئېلىپ بېرىلغان بۇ نامايىشقا فرانسىيىنىڭ پارىژ شەھىرىدە ياشاۋاتقان 90 ئەتراپىدا ئۇيغۇر قاتناشقان. بۇ نامايىشنى ئۇيۇشتۇرغان فرانسىيە ئۇيغۇر تەشكىلاتى رەئىسى ئەكبەر يۈسۈپ ئەپەندى باشچىلىقىدىكى ئۇيغۇرلار نامايىشتا مەيداندىكى كىشىلەرگە نامايىش ھەققىدە مەلۇمات بەردى ۋە خىتاينىڭ بېسىم سىياسىتىنى قاتتىق ئەيىبلەيدىغانلىقىنى دېدى. نامايىشقا قاتناشقان ئايگۈل ئەركىن خانىم كۆزىگە ياش ئېلىپ تۇرۇپ 5-ئىيۇل ئۈرۈمچى ۋەقەسىدە بالىلىرىدىن ۋە ئەرلىرىدىن ئايرىلىپ قالغان ئاياللارنىڭ پەريادىنى فرانسىيە جامائەتچىلىكىگە ئاڭلىتىش ئۈچۈن نامايىشقا كەلگەنلىكىنى، خىتاينىڭ ۋەتەن ئىچىدىكى ئۇيغۇرلارغا سۇيىقەست قىلىپلا قالماستىن، چەتئەلدىكى ئۇيغۇرلارغىمۇ سۇيىقەست قىلىۋاتقانلىقىنى، يولدىشىنىڭ، خىتاينىڭ بېسىمى بىلەن قازاقىستاندا تۈرمىگە تاشلانغانلىقىنى ئىلگىرى سۈردى.

بىز بۇ پائالىيەت ھەققىدە تېخىمۇ تەپسىلىي مەلۇمات ئېلىش ئۈچۈن، نامايىش بولۇۋاتقان پارىژنىڭ سامىشەل مەيدانىدىكى نامايىشچىلار بىلەن تېلېفون سۆھبىتى ئېلىپ باردۇق.

تەپسىلاتىنى يۇقىرىدىكى ئاۋاز ئۇلىنىشىدىن ئاڭلىغايسىلەر.