Германийиниң мюнхен шәһиридики хитай консулханиси алдида намайиш өткүзүлди

1-Өктәбир күни хитай хәлқ җумһурийитиниң дөләт байрими болуп, пүтүн хитайда тәнтәнилик һалда бу күн тәбриклиниватқан пәйттә, чәтәлдики уйғурлар бу күнни “матәм күни” дәп елан қилип, той-төкүн, көңүл ечиш паалийәтлирини уюштурмастин, өзлири турушлуқ дөләттики хитай әлчиханилири, консулханилириниң алдида наразилиқ намайишлирини өткүзмәктә.
Ихтиярий мухбиримиз әркин тарим
2012.10.02
Share on WhatsApp
Share on WhatsApp
myunxen-germaniye-namayish-305.jpg Уйғурлар германийиниң мюнхен шәһиридики хитай консулханиси алдида намайиш қилди. 2012-Йили 1-өктәбир, германийә.
RFA/Erkin Tarim

Бүгүн, йәни 10-айниң 1-күни дуня уйғур қурултийи билән явропа шәрқий түркистан бирлики һәмкарлишип, хитайниң германийиниң мюнхен шәһиридә турушлуқ консулханиси алдида наразилиқ намайиши өткүзди.

Намайишқа дуня уйғур қурултийи рәиси рабийә қадир ханим, муавин рәиси сийит түмтүрк, өмәр қанат, явропа шәрқий түркистан бирлики рәиси абдуҗелил әмәт вә германийә, голландийә, америка, түркийә қатарлиқ дөләтләрдики шәрқий түркистан тәшкилатлириниң мәсуллири қатнашти. Намайишқа йүз әтрапида киши қатнашқан болуп, һәммә бирдәк, “террорчи хитай! шәрқий түркистандин йоқал! уйғурларға әркинлик! шәрқий түркистанға азадлиқ!” дегәнгә охшаш шоарларни товлишип хитай хәлқ җумһурийитини етирап қилмайдиғанлиқини билдүрүшти.

Биз нәқ мәйданға телефон қилип, дуня уйғур қурултийи рәиси рабийә қадир ханим вә башқа рәһбәрләр билән телефон сөһбити елип бардуқ.

Рабийә қадир ханим радиомизға қилған сөзидә бүгүн шәрқий түркистандики уйғурларниң матәм күни икәнликини, бүгүн пүтүн дунядики уйғурларниң хитайниң зулумидин, боюнтуруқидин қутулуш үчүн, шәрқий түркистан земининиң ишғал қилинған земин икәнликини дуняға җакарлаш күни икәнликини, бу мәқсәт билән дуняниң һәрқайси җайлиридин кәлгән уйғурларниң германийиниң мюнхен шәһиридики хитай консулханисиниң алдида җәм болғанлиқини ейтти.

Пикир қошуң

Радиониң ишлитиш шәртлиригә асасән, пикирлириңиз тәкшүргүчиләр тәрипидин тәстиқлиниши вә мувапиқ дәриҗидә тәһрирлиниши түпәйли, тор бәттә дәрһал пәйда болмайду. Сиз қалдурған мәзмунға әркин асия радиоси җавабкар болмайду. Башқиларниң көз қариши вә һәқиқәткә һөрмәт қилишиңизни сораймиз.