Gérmaniyining myunxén shehiridiki xitay konsulxanisi aldida namayish ötküzüldi

1-Öktebir küni xitay xelq jumhuriyitining dölet bayrimi bolup, pütün xitayda tentenilik halda bu kün tebrikliniwatqan peytte, chet'eldiki Uyghurlar bu künni “Matem küni” dep élan qilip, toy-tökün, köngül échish pa'aliyetlirini uyushturmastin, özliri turushluq dölettiki xitay elchixaniliri, konsulxanilirining aldida naraziliq namayishlirini ötküzmekte.
Ixtiyariy muxbirimiz erkin tarim
2012.10.02
myunxen-germaniye-namayish-305.jpg Uyghurlar gérmaniyining myunxén shehiridiki xitay konsulxanisi aldida namayish qildi. 2012-Yili 1-öktebir, gérmaniye.
RFA/Erkin Tarim
u1002-erkin.mp3
Anglash Awazni köchürüsh

Bügün, yeni 10-ayning 1-küni dunya Uyghur qurultiyi bilen yawropa sherqiy türkistan birliki hemkarliship, xitayning gérmaniyining myunxén shehiride turushluq konsulxanisi aldida naraziliq namayishi ötküzdi.

Namayishqa dunya Uyghur qurultiyi re'isi rabiye qadir xanim, mu'awin re'isi siyit tümtürk, ömer qanat, yawropa sherqiy türkistan birliki re'isi abdujélil emet we gérmaniye, gollandiye, amérika, türkiye qatarliq döletlerdiki sherqiy türkistan teshkilatlirining mes'ulliri qatnashti. Namayishqa yüz etrapida kishi qatnashqan bolup, hemme birdek, “Térrorchi xitay! sherqiy türkistandin yoqal! Uyghurlargha erkinlik! sherqiy türkistan'gha azadliq!” dégen'ge oxshash sho'arlarni towliship xitay xelq jumhuriyitini étirap qilmaydighanliqini bildürüshti.

Biz neq meydan'gha téléfon qilip, dunya Uyghur qurultiyi re'isi rabiye qadir xanim we bashqa rehberler bilen téléfon söhbiti élip barduq.

Rabiye qadir xanim radi'omizgha qilghan sözide bügün sherqiy türkistandiki Uyghurlarning matem küni ikenlikini, bügün pütün dunyadiki Uyghurlarning xitayning zulumidin, boyunturuqidin qutulush üchün, sherqiy türkistan zéminining ishghal qilin'ghan zémin ikenlikini dunyagha jakarlash küni ikenlikini, bu meqset bilen dunyaning herqaysi jayliridin kelgen Uyghurlarning gérmaniyining myunxén shehiridiki xitay konsulxanisining aldida jem bolghanliqini éytti.

Pikir qoshung

Radi'oning ishlitish shertlirige asasen, pikirliringiz tekshürgüchiler teripidin testiqlinishi we muwapiq derijide tehrirlinishi tüpeyli, tor bette derhal peyda bolmaydu. Siz qaldurghan mezmun'gha erkin asiya radi'osi jawabkar bolmaydu. Bashqilarning köz qarishi we heqiqetke hörmet qilishingizni soraymiz.