Германийә ташқи ишлар министирлиқи д у қ рәһбәрлири билән сөһбәт елип барди

31-Өктәбир күни германийә ташқи ишлар министирлиқи тармиқидики кишилик һоқуқ комитети рәһбәрлири д у қ ниң германийидики мәсуллири билән сөһбәт елип барди.
Ихтиярий мухбиримиз әкрәм
2012.11.05
Share on WhatsApp
Share on WhatsApp
dolqun-eysa-Micheal-Philips-305.jpg Баш штаби германийидики д у қ ниң иҗраийә һәйити мәсули долқун әйса әпәнди(оңда) билән д у қ ниң явропа парламентида турушлуқ вәкили маикил филипс(Micheal Philips) әпәнди. 2012-Йили сентәбир.
RFA/Erkin Tarim

Д у қ ниң 2-өктәбир күни бәргән мәлуматиға асасланғанда, 31-өктәбир күни германийә ташқи ишлар министирлиқи кишилик һоқуқ комитетиниң тәклипи билән д у қ вәкиллиридин муавин рәис әсқәрҗан вә иҗраийә комитети рәиси долқун әйса әпәндиләр германийә пайтәхти берлинға берип, германийә һөкүмәт хадимлири билән сөһбәт елип барған.

Германийә ташқи ишлар министирлиқи тәрипидин уюштурулған бу қетимқи сөһбәтниң мәқсити, 10-айниң 8-9-күнлири германийә билән хитай вәкиллири арисида өткүзүлгән кишилик һоқуқ вә демократийини илгири сүрүш сөһбитиниң асаси мәзмунидин д у қ, тибәт тәшкилати, хәлқара кәчүрүм тәшкилати, кишилик һоқуқни көзитиш тәшкилати, хәтәр астидики милләтләрни қоғдаш тәшкилати қатарлиқ тәшкилатларниң вәкиллиригә мәлумат бериштин ибарәт болған.

Мәлумки, германийә ташқи ишлар министирлиқи кишилик һоқуқ комитети билән хитай вәкилләр өмики оттурисида елип берилған 10-қетимлиқ кишилик һоқуқ вә демократийә сөһбити башлиништин илгири, д у қ қатарлиқ хәлқаралиқ тәшкилатлар германийә һөкүмитигә мәлумат йоллап, хитай, уйғур ели вә тибәттики инсан һәқлири дәпсәндичиликини паш қилған иди. Бу қетим берлинда өткүзүлгән сөһбәткә ташқи ишлар министирлиқи кишилик һоқуқ комитетиниң мәсули маркус лөниң қатарлиқ юқири дәриҗилик һөкүмәт рәһбәрлири қатнашқан. Маркус лөниң әпәнди германийә ташқи ишлар министирлиқи кишилик һоқуқ комитетиниң рәиси болупла қалмай, бәлки хитай билән өткүзүлгән бирқанчә қетимлиқ сөһбәтниң мәсули иди.

Биз бу һәқтә тәпсилий мәлумат елиш үчүн д у қ рәһбәрлиридин муавин рәис әсқәрҗан вә иҗраийә комитети рәиси долқун әйса әпәндиләр билән сөһбәт елип бардуқ.

Пикир қошуң

Радиониң ишлитиш шәртлиригә асасән, пикирлириңиз тәкшүргүчиләр тәрипидин тәстиқлиниши вә мувапиқ дәриҗидә тәһрирлиниши түпәйли, тор бәттә дәрһал пәйда болмайду. Сиз қалдурған мәзмунға әркин асия радиоси җавабкар болмайду. Башқиларниң көз қариши вә һәқиқәткә һөрмәт қилишиңизни сораймиз.