Ürümchidiki bir saqchi ghayiplar a'ilisini balisini izdeshtin tosuwatqanliqini étirap qildi

Biz ötken heptdiki programmizida 5 - iyul ghayipliridin memet baratning anisi sudixanning ürümchi altunbulaqtiki öyidin saqchilarning bésimi bilen heydelgenliki we sudixan a'ilisining altunbulaqtiki bir méhmanxanida kün ötküziwatqanliqi heqqide melumat bergen iduq. Bügün muxbirimiz sudixanni öyidin köchürüsh wezipisini ijra qilghan saqchi xadimini ziyaret qildi. Saqchi xadimi sudixanni öyidin köchüshke mejburlighanliqini inkar qilghan bolsimu, emma, uni balisini izdeshtin tosuwatqanliqini yoshurmidi.
Muxbirimiz shöhret hoshur
2012-12-27
Share
5-iyul-weqeside-ghayib-bolghanlar-305.png 5-Iyul weqesidin kiyin ghayib bolghan kishiler (sol terep yuqiridin sa'et istirilikisining yönilishi boyiche): memet'abla abduréhim, zakir memet, muxter mexet, tursunjan toxti
Photo: RFA


Muxbir: siz saqchi shawket bolamsiz?

Saqchi: shundaq, men shu.

Muxbir: anglisaq, ürümchidiki sudixan dégen ayalning, - balisi ghayip bolup ketken öyidin köchüriwétish ishigha siz mes'ul bolupsiz, köchüriwétishinglar qaysi höjjet, qaysi uqturushqa asasen boldi?

Saqchi: köchüriwétptu? kim köchüriwétiptu? u ayal özi köchüp ketken'ghu!

Muxbir: siz ishxaningizgha chaqirtipsiz, öydin köchünglar depsizghu?

Saqchi: undaq ish yoq, ishxanigha chaqirghinim ras, men "Sudixan hede, bizning tewelikke küchüp kepsiz, tewelikimizning qa'ide tüzümige boysunarsiz" dédim, bashqa gep qilmidim. Ishxanamdin ketkendin kéyin, köchüp kétiptu dep anglidim hem yoqlap nede turuwatsiz dep hal soridim. U ayal "Siler shirketke bésim ishlitip méni köchüriwettinglar" dep shikayet qildi.

Muxbir: shirketning ularni öydin küchüriwétishining sewebi néme, siler ulargha héchnime démidinglarmu?

Saqchi: biz shirketke bérip "Bu a'ilini bu yerge orunlashturushtin awwal uni mushu rayonluq saqchixanigha tizimlitishing kérekti, undaq qilmapsen, biz arxip turghuzushimiz kérek" déduq, normal tertip shu.

Muxbir: biz shu shirkettikilerdin ehwal igiliduq, siz shirkettikilerge, "Bu a'ilini bu tewelikke orunlashturmasliqinglar kérekti, bu yerdin köchüriwétinglar, bolmisa shirkitinglarni taqaymiz" depsiz. Mushu gepler sizning éghizingizdin chiqtimu - chiqmidimu?

Saqchi: shundaq deptimenmu? undaq démidimghu deymen!?

Muxbir: undaq démidimghu deymen déginingizge qarighanda, dégenliringiz hazir ésingizde yoq, shundaqmu?

Saqchi: shundaq, taza ésimde yoq.

Muxbir: éghizingizdin chiqqan yene bir gep barken "Biz sizni béqipla ötmeymiz, bizningmu a'ile - balimiz bar, shunga köchüp kéting" depsiz,teweliktin köch démekchimu, ürümchidin köch démekchimu?

Saqchi: yaq, men hergiz köchünglar démidim.

Muxbir: bilimiz, bir Uyghur exlaq jehettin normal bolghan, özidin chonglargha qopal mu'amile qilmaydu, belkim sizmu shundaq, bu yerde sizge kelgen bir höjjet yaki uqturush bilen öydin köchünglar dégen bolushingiz mumkin, shunila dep béring, biz shulargha téléfon qilip ehwal uqayli.

Saqchi: yaq, undaq höjjet yoq. Méning déginim shu "Sudixan acha, u yer, bu yerlerge béripsiz, héch netije alalmapsiz, baratkammu)yoldishi( yashinip qaptu, emdi siz tinch olturung, u yer,bu yerge barmang" dédim.

Muxbir: bundaq déyishtin meqsitingiz, erz qilmang, démekchimu?

Saqchi, yaq, erz qilmang démekchi emes, erz qilsingiz bizge deng, biz bille bériship béreyli dédim.

Muxbir: undaqta, siz barmanglar dewatqan "U yer, bu yer" ler qayer? hökümet organlirimu?

Saqchi: shundaq, hökümet organliri.

Muxbir: bu déginingiz, balanglarni izdimenglar dégen gepqu?

Saqchi: yaq, hökümetning jawabini kütünglar démekchi.

Hörmetlik radi'o anglighuchilar, yuqirida, ürümchidiki bir saqchi xadimining ürümchidiki ghayiplar a'ile - tawabi'atini ghayiplarni izdeshtin tosqanliqini étirap qilghanliqi heqqidiki tepsiliy xewerni diqqitinglargha sunduq.

Pikir qoshung

Radi'oning ishlitish shertlirige asasen, pikirliringiz tekshürgüchiler teripidin testiqlinishi we muwapiq derijide tehrirlinishi tüpeyli, tor bette derhal peyda bolmaydu. Siz qaldurghan mezmun'gha erkin asiya radi'osi jawabkar bolmaydu. Bashqilarning köz qarishi we heqiqetke hörmet qilishingizni soraymiz.

Toluq bet