Германийә парламент вәкиллириниң уйғур дияри вә тибәттики зиярити ахирлашти

Германийә ахбарат агентлиқиниң 20 - априлдики хәвиригә асасланғанда, германийә парламенти кишилик һоқуқ комитети әзалиридин тәркип тапқан вәкиллириниң уйғур дияри вә тибәттики үч күнлүк зиярити 4 - айниң 20 - күни ахирлашқан.
Мухбиримиз әкрәм
2009.04.21
Share on WhatsApp
Share on WhatsApp
Merkel-dalay-tibet-305.jpg Германийә баш министири ангела меркел ханим далай лама билән биргә.
AFP Photo

Бу, хитай тәрәпниң өткән йили 3 - айда тибәттә топилаң йүз бәргәндин буян, тунҗи қетим чәтәл кишилик һоқуқ органлири хадимлириниң тибәтни зиярәт қилишиға рухсәт бериши болуп һесаблинидикән шундақла германийә парламенти кишилик һоқуқ кеңиши хадимлириниң шәрқий түркистанда һөкүмәт намидин рәсми зиярәт елип бериши болуп һесаблинидикән.

Тибәтни зиярәт қилған вәкилләр өмики дүшәнбә күни бейҗиңда мухбирларни күтүвелиш йиғини өткүзүп үч күнлүк зиярәт әһвалидин мәлумат бәргән болуп, бу өмәкниң мәсули һайбач әпәндиниң билдүрүшичә, тибәттики йәрлик һөкүмәт даирилири пүтүн күчи билән зиярәтчиләргә "тибәттә һәммә иш нормал" дегән тәсиратни беришкә тиришқан.

Һайбач әпәнди сөзидә йәнә, хитай даирилириниң тосалғусиға қаримай бәзи нәрсиләрни билиш пурситигә еришкәнликини баян қилип, тибәттә йолға қоюлған "вәтәнпәрвәрлик тәрбийиси һәрикити" гә қаримаққа һәммила раһиб өз ихтияри билән қатнашқандәк көрүнгәнликини, әмәлийәттә, бир нәпәр раһибниң "биз мәҗбури қатнишиватимиз" дәп, мәхпийәтликни ашкарилап қойғанлиқини билдүргән.

Һайбач әпәнди сөзидә, тибәттики бу үч күнлүк зиярәт җәрянида көп нәрсиләрни билиш пурситигә еришәлмигәнликини, тибәт түрмилирини зиярәт қилишқа хитай даирилириниң рухсәт қилмиғанлиқини билдүргән.

Германийә долқунлири радиосиниң 20 - април күни германийә ахбарат агентлиқи мәлуматидин нәқил елип бу хусуста елан қилған хәвиридә көрситишичә, германийә парламенти кишилик һоқуқ комитетиниң бир горуппа вәкилләр өмики уйғур елида тәкшүрүш елип барған болуп, хәвәрдә омуми нопуси мусулман болған уйғурларниң мутләқ көп қисминиң хитай зулмиға учраватқанлиқи илгири сүрүлгән.

Уйғур елидә елип берилған бу зиярәтниң нәтиҗиси яки хәвири техи тилға елинмиған болуп, бу һәқтә биз д у қ хадимлиридин бәзи учурларни игиләшкә муйәссәр болдуқ.

Д у қ баш катипи долқун әйса әпәндим зияритимизни қобул қилип, германийә парламенти кишилик һоқуқ комитетиниң шәрқий түркистанда елип баридиған бу зияритидин өзлириниң бурунла хәвири барлиқини вә вәкилләр өмики шәрқий түркистанға бериштин илгири, уларни уйғур хәлқиниң кишилик һәқ - һоқуқлириниң дәпсәндә қилинишиға аит материяллар билән тәминлигәнликини тилға алди.

Пикир қошуң

Радиониң ишлитиш шәртлиригә асасән, пикирлириңиз тәкшүргүчиләр тәрипидин тәстиқлиниши вә мувапиқ дәриҗидә тәһрирлиниши түпәйли, тор бәттә дәрһал пәйда болмайду. Сиз қалдурған мәзмунға әркин асия радиоси җавабкар болмайду. Башқиларниң көз қариши вә һәқиқәткә һөрмәт қилишиңизни сораймиз.