Дуня инсан һәқлири күни германийидә намайиш

Хәлқара инсан һәқлири байаннамиси елан қилинғанлиқиниң 60 йиллиқини хатириләш мунасивити билән германийә уйғурлириниң 12 - айниң 10 - күни, хитайниң мийунхендики консулханиси алдида елип барған намайишидин бир көрүнүш.

Хитай консулханиси алдида ай - юлтузлуқ көк байрақлирини ләпилдитип шуар товлаватқан намайишчилар йәнә, "күнимиздә хитайдики инсан һәқлири" намлиқ тәшвиқат варақчилирини әтраптики аммиға тарқатти.

Бу тәшвиқат варақчилирида хитайниң уйғурлар үстидин йүргүзүватқан түрлүк зулумлири паш қилинғандин сирт, 2008 - йили ичидә йүз бәргән бир қисим вәқәләр әслитип өтүлгән.

17 - январ күни 5 нәпәр уйғурниң етип өлтүрүлгәнлики, 5 - феврал күни 18 нәпәр уйғурниң етип өлтүрүлгәнлики, 3 - айда 700 нәпәр аялниң хотәндә намайиш қилғанлиқи сәвәблик қолға елинғанлиқи, 7 - айниң 8 - күни йәнә 5 нәпәр уйғурниң өлүм җазасиға мәһкум қилинғанлиқи вә бейҗиң олимпик мусабиқисидин кейин көплигән бигунаһ уйғур яшлириниң қолға елинғанлиқи изаһланған.

Юқиридики аваз улинишидин, мухбиримиз әкрәмниң тәйярлиған программисиниң тәпсилатини аңлайсиз.