5-Июл мунасивити билән голландийидә намайиш
2011.07.05

Намайиш шу йәр вақти чүштин кейин саәт иккидә башлинип, 4 тә аяғлашти. Бу икки йилдин буянқи хитай консулханиси алдида елип берилған тунҗи намайиш болуп, 100 дин артуқ адәм қатнашти.
Паалийәт баштин ахири җанлиқ вә роһлуқ елип берилди. Намайишчилар түрлүк мәзмунларда шоарларни товлиди, өзлири йезип кәлгән җәңгивар шеир вә хитаблирини яңратти. Миллий қияпәтлири билән тәртиплик елип берилған намайишқа ата-анилири билән қошулуп кәлгән бовақлар алаһидә диққәт чәкти.
Тәшкилатлар йетәкчиси садиқҗан сәләй вә явропа шәрқий түркистан маарип җәмийитиниң йетәкчиси обулқасим әпәндиләр намайиш һәққидики қарашлирини баян қилди. Униңдин башқа яшлар вәкили абдусалам әпәндиму пикир баян қилди.