“Gotiya longqisi” dunya yash - ösmürler putbol musabiqiside Uyghur ösmürliri 8 küchlük komanda qataridin orun aldi

“Gotiya longqisi” namidiki dunya yash - ösmürler putbul musabiqisige, - 11yashtin - 18 yashqiche bolghan ariliqtiki yash - ösmürlerni asas qilip 8 tür buyiche qiz, oghul komandiliri buyiche 16 dane “Chimpiyonluq longqisi” tesis qilghan bolup, her bir türdiki komandilar öz türidiki bashqa komandilar bilen musabiqige chüshidu. “Ümid” namidiki Uyghur ösmüliri putbol komandisi 12 yashliqlar türidiki musabiqige qatnashqan bolup, bu türdiki komandilar 34 kichik guruppa qilip teshkillen'gen bolup, herbir gruppigha 4 tin komanda bölün'gen. Uyghur ösmürliri komandisi - 9 guruppigha ayrilghan. Uyghur ösmürler komandisi kichik guruppida ikki shiwétsiyining, bir gérmaniyining komandisini yuqiri netije bilen utup, 9 numur bilen kichik guruppida birinchi bolghan idi. Kiyinki musabiqiler a musabiqe guruppisi we b musabiqe guruppisigha ayrilghan. Uyghur ösmüler komandisi a musabiqe guruppisige bölün'gen.Bu musabiqiler dawamida Uyghur ösmürler komandisi 1 ge qarshi 10 netije bilen shiwétsiye komandisini yéngip 16 küchlük komanda qatarigha, 2 ge qarshi 3 netije bilen gritsiye komandisini yéngip 8 küchlük komanda qatarigha kirgen idi. Emma 4küchlük komandigha kirish musabiqiside sprus komandisigha 3 ke qarshi 2 netije bilen utturup qoydi.

“Ümid” komandisi namidiki yéza bashlan'ghuch mektep oqughuchiliridin teshkillen'gen Uyghur ösmüler komandisining “Gotiya longqisi” namidiki dunya yash - ösmürler putbol musabiqisige qatnishishi tunji qétim bolsimu, emma 6 meydan musabiqide 23 top kirgüzüp xelq'ara musabiqilerdiki tunji qedimini yaxshi bashlighan.

“Gotiya longqisi” namidiki dunya yash ösmürler putbol musabiqisi - 1975yili tunji qétim ötküzülgen bolup, shundin béri her yili ötküzülüp kelmekte. - 2004Yili 30 yilliq murasimini ötküzgen.Hazir gotiya namidiki bu musabiqe dunyadiki eng chong yash - ösmürler putbol musabiqisi bolup qaldi“Gotiya longqisi” putbol musabiqisige qatnashquchilar aldin'ala tizimlitish prinsipigha asasen öz komandilirini tizimlatsa bolidu, komandilarning rayon, dölet, millet, san cheklimisi bolmaydu. Xalighan dölettin xalighan komandilar tizimlatsa bolidu. Bundin burun xitay döliti 12 qétim komanda ewetken bolsimu, emma netijisi körinerlik bolmighan. Bu qétimqisi eng yaxshi netije dep qaralmaqta.

Kéler yilliq musabiqe - 2013yili - 7ayning - 14künidin - 20 künigche ötküzülmekchi. Biz bu qétim musabiqige qatnashqan yash - ösmürlirimizge téximu zor utuq tilesh bilen birge, kéler yilliq musabiqige yene kélip qatnishishini ümid qilimiz.