Emet qasim sotchigha: biz xatalashsaq atisiler, siler xatalashsanglar jaza yoqmu?

Aqsuda 20 tonna gürüch élip mangghan xitay “Hayankesh” ke 400 yüen, 39 xalta bughday élip mangghan Uyghur “Hayankesh” ke 5 ming yüen jerimane qoyuldi.
Muxbirimiz shöhret hoshur
2012.01.05
Share on WhatsApp
Share on WhatsApp
emet-qasim-305.jpg Aqsuning égerchi yézisida olturushluq déhqan emet qasim. 2012-Yili yanwar, béyjing.
RFA/Shohret Hoshur
Aqsuning égerchi yézisida olturushluq déhqan emet qasim, 5 mo yéridin alghan hosuli 39 xalta bughdayni sheherge élip mangghanda, xitayning bazar bashqurush xadimliri hayankeshlik bilen eyiblep 5000 yüen jerimane qoyghan.

Emet qasim omumi mehsulatining qimmiti 2000 yüen'ge barmaydighanliqini bildürüp jerimanini ret qilghan. Xitay xadimliri emet qasimning 39 xalta bughdiyini musadire qilish bilen birlikte, kiragha alghan yük aptomobilinimu tartiwalghan. Ejeblinerliki, shu küni shu meydanda, 20 tonna gürüch élip mangghan xitay sodigerge, peqet 400 yüen jerimane qoyghan.

Xitay sodiger jerimanini tölep yoligha rawan bolghan.

Xitayning yéza igilik qanunida, déhqanlar öz mehsulatlirini özi xalighan bahada, özi xalighan terepke sétish hoquqi bar dep belgilen'gen. Emma bu qanun Uyghur élining bezi wilayetliride perqliq ijra qilinmaqta؛ perqliq ijra qilin'ghandimu, Uyghur élidiki xitaylar bilen Uyghurlargha yene bashqiche tetbiqlanmaqta. Ötken yili guma nahiyisining qara taghiz yézisidiki déhqanlarmu, bu heqte mesile inkas qilghan. Melum bolushiche, qarataghizliq déhqanlar chilan we paxta qatarliq mehsulatlirini, dölet igilikidiki xitay shirkitige erkin bazardin 50% töwen bahada sétip bérishke mejburlan'ghan. Ularning ashkarilishiche, ular tewe bolghan déwiziye xitay déhqanlirining mehsulatlirini erkin bazarda sétishigha yol qoyghan.

Yuqiridiki awaz ulinishidin ziyankeshlikke uchrighuchi emet qasimning bu heqtiki bayanlirini anglaysiler.
Pikir qoshung

Radi'oning ishlitish shertlirige asasen, pikirliringiz tekshürgüchiler teripidin testiqlinishi we muwapiq derijide tehrirlinishi tüpeyli, tor bette derhal peyda bolmaydu. Siz qaldurghan mezmun'gha erkin asiya radi'osi jawabkar bolmaydu. Bashqilarning köz qarishi we heqiqetke hörmet qilishingizni soraymiz.