Dunya elliri apet yüz bergen haytigha jiddiy yardem bermekte

Dunya ellirining apet yüz bergen hayti jumhuriyitige yardem bériwatqanliqi heqqidiki uchurlar, ikki kündin buyan köpinche uchur wastilirining bash xewiri bolup qéliwatidu. Hayti jumhuriyiti shimaliy amérika bilen jenubiy amérikining ariliqidiki karabiyan aralliridiki bir dölet.
Muxbirimiz weli
2010-01-15
Share
Haytidiki-yer-tewreshtin-keyinki-pajielik-korunush-305.jpg Süret, haytidiki yer tewreshtin kéyinki örülüp chüshken binalardin bir körünüsh.
AFP Photo

Bu dölette 12 - yanwar küni yerlik waqit 21 din 53 minyut ötkende 7.3 Bal yer tewridi. Yene bir nechche qétim saqindi yer tewresh yüz berdi.

Fransiye gi'o -fézika tetqiqat ornining bayan qilishiche, bu qétim haytida yüz bergen yer tewreshni déngiz tégidiki yer qatlamlirining ajrilish herikiti peyda qilghan. Eger bundaq ajrilish hadisiliri déngizning chongqur qatlamlirida bolmisa, yer yüzidiki böleklerning tekshilikte peyda bolidighan tengshilish hadisiliri (sélkinish) intayin qattiq bolidiken.

Bu dölettiki 9 milyon nopusning az dégende 3 ten bir qismi apetke uchridi

Qizil krést jem'iyitining 13‏ - yanwar küni bayan qilishiche, bu qétim haytida yüz bergen yer tewreshte, bu dölettiki 9 milyon nopusning az dégende 3 ten bir qismi apetke uchrighan. Yer tewreshte ölgen adem sani 100 ming etrapida dep texminlen'gen. Haytining paytexti port aw prinsi shehiride asasi qurulush esliheliri pütünley ishtin chiqqan. Intérnét, téléfon yaki yanfon, qatarliq uchur - alaqe wastiliri palech bolghan.

S n n ning bayan qilishiche, haytining paytexti port aw prinsi shehiridiki asasliq doxtorxana, mektep, méhmanxana, prézidént sariyi, b d t ning haytidiki ish binasi, hetta türmimu saq qalmighan. Örülgen hayti dölet mejlisi binasi ichidin qutquzush telep qilp nale qilghan awazlar anglinip turghan. B d t tichliqni saqlash qisimliri texminen 150 xadimi bina örölgende kömülüp qalghanliqini bayqighan.

Haytida hayat qalghan kishiler derhal heriketlinip, yer tewresh yüz bergendin kéyinki eng qimmetlik bolghan 72 sa'et waqitni ching tutup, ölgenlerni depn qilish, iz - déreksizlerni izdesh, bolupmu adem awazi anglan'ghan xarabiliqlarni kolap adem qutquzushqa kirishken.

13‏ - Yanwar künidiki birinchi türküm yardem

13‏ - Yanwar küni etigende, amérikining haytidiki elchixansi yer tewresh ehwalini dunyagha anglatqandin kéyinla, amérikining xeterge yüzlen'gen xelqni qutquzush orgini derhal heriketke kelgen. B d t bash katibi bankimun pütün dunyani yardemge chaqirghan. B d t ning dunya ashliq mehkimisi we qutquzush organlirimu heriketke kelgen.

Amérikining qutquzush xadimliri yémek we bashqa qutquzush eshyaliri qachilan'ghan chong tipliq yükchi ayropilan bilen tunji bolup haytigha yéitp kélip, xarabiliqlarda kömülüp qalghan hayat kishilerni qutquzushqa bashlighan. Kubaning 300 kishilik qutquzush etritimu 13 ‏ - yanwar küni haytigha yétip kelgen. Péruning 54 tonna yémek qachilighan qutquzush ayropilanimu shu küni yétip kelgen.

13‏ - Yanwar künidiki ikkinchi türküm yardem

B d t 13 ‏ - yanwar küni haytigha 10 milyon amérika dolliri yardem béridighanliqini jakarlighan. Dunya bankisi 100 milyon amérika dolliri yardem béridighanliqini jakarlighan. Amérikida xelq toplighan i'ane pul sani 100 milyon amérika dollirigha yetken.

Gérmaniye, italiye, fransiye qatarliq yawropa döletliri her biri bir milyon 500 ming yuro pul yardem qilidighanliqini jakarlighan. Bu döletlerning qutquzush etretliri ayropilanlirigha süzük su, yémek, chédir, dora qatarliq jiddiy yardem buyumlirini qachilap, shu küni kechte haytigha yétip kelgen. Yardem eshyalirini biwaste haytigha ayropilan bilen yetküzelmigen döletlerning yardem eshyalirini, amérika pida'iliri florida shitatidin déngiz arqiliq haytigha toshushqa bashlighan.

Port aw prinsi shehirining kuchilirida depn qilinmay turup qalghan jesetler köp

Amérika awazining muxbiri haytining paytexti port aw prinsi shehirining kuchilirida, depn qilinmay turup qalghan jesetler köp ikenlikini, doxtorlarning köpinchisi srtta özining qérindashlirini izdep yürgenlikini, gerche shexsi aptomobillar kishilerge öy bolalighanla emes, belki jesetlerni toshushtimu muhim rol oynighan bolsimu, emma bénizin qachilaydighan esliheler ishtin chiqqanliqi üchün, umu ishqa kirishelmeydighanliqini körgen.

Xitaymu haytigha yardem ewetti, emma mezmuni bashqa ellerning yardimige oxshimaydu

13‏ - Yanwar küni xitayning 'junggo géziti' haytida yüz bergen yer tewreshte xitayning haytidiki ténchliq saqlash qisimidin 4 saqchi we xitay jama'et xewpsizliki ministirliqining wekiller ömikidin 4 xadim binada kömülüp qalghanliqini xewer qilghandin kéyin, xitay tashqi ishlar ministirliqining bayanatchisi jang yü 'dölet rehberlirimiz hazir haytidiki yer tewreshte kömülüp qalghan we iz - déreksiz turuwatqan junggo xadimliridin ensirewatidu' dep jakarlighan idi.

14 - Yanwarküni xu jintaw haytigha 1 milyun amérika dolliri yardem béridighanliqini jakarlighandin kéyin, xitayning 60 kishilik qutquzush etriti 20 tonna yémek we 3 dane apsharka élip haytigha yétip kelgen. Xitayning 'elchilerni qoghdash merkizi' dégen orgini haytidiki xitay muhajirliri üchün mulazimet qilishqa bashlighan.

Anonymous says:
Jan 15, 2010 12:45 PM

bu haqta tehimu kop xawar birishinglarni tilaymiz

Pikir qoshung

Radi'oning ishlitish shertlirige asasen, pikirliringiz tekshürgüchiler teripidin testiqlinishi we muwapiq derijide tehrirlinishi tüpeyli, tor bette derhal peyda bolmaydu. Siz qaldurghan mezmun'gha erkin asiya radi'osi jawabkar bolmaydu. Bashqilarning köz qarishi we heqiqetke hörmet qilishingizni soraymiz.

Toluq bet