Mukuyla weqeside étilghanlarning ikkisi ayal ikenliki ashkarilandi

Xitay metbu'atliri aldinqi küni xotenning guma nahiyiside yüz bergen mukuyla weqeside, térrorchilardin 7 sining öltürülgenliki, 4 ining tutulghanliqi we yene yarilan'ghanliqini bayan qilghan.
Muxbirimiz shöhret hoshur
2011-12-30
Share
hotan-mukuyla-305-2.png Mukuyla yézisining xeritidiki orni we sün'i hemradin körünüshi
Photo: RFA

Emma öltürülgen we yarilan'ghanlarning kimliklirini ashkarilimighan idi. Bügün muxbirimizning igilishide, ölgüchilerdin ikkisining ayal ikenliki, tutqunlarning arisida 5 nepirining bala we ösmür ikenliki, yarilan'ghanlar arisida balilarningmu barliqi ashkarilandi.

Töwende muxbirimiz shöhret hoshurning bu heqte teyyarlighan programmisini anglaysiler:

Bügün biz, guma nahiyisining mukuyla yézisining yéza bashliqi minewer exmet, yézining 8 - kent bashliqi memet éziz hapiz we nahiyilik saqchi idarisi razwétka bölümining bir neper razwétchikini ziyaret qilduq. Melum bolushiche, ölgüchilerdin ikki nepiri ayal bolup, ular 27 yashliq büwirabiye abduqadir bilen 29 yashliq büwizöhre seydexmettur. Yene melum bolushiche, tutqunlarning sani 5 bolup, bulardin biri 17 yash, qalghanliri 12 yashtin töwen, eng kichikining yéshi 7 yash.

Hörmetlik radi'o anglighuchilar, xitay weqe heqqidiki tunji xewiride, 7 kishini öltürgenliki, 4 kishini yaridar qilghanliqi we 4 kishini tutqun qilghanliqini bildürgen؛ emma yarilan'ghan 4 ining, tutulghan 4 i bilen eyni kishiler yaki emeslikini bildürmigen. Xitayning yer shari waqit géziti bügün, weqede ölgen we tutulghan kishilerning jem'iy 11 ikenlikini yazghan. Buningdin qarighanda we özimiz yerliktin igiligen uchurlargha asaslan'ghanda, weqede tutulghanlarning hemmisining balilar ikenliki we bularning hemmisiningla yarilan'ghanliqi melum bolmaqta.

Pikir qoshung

Radi'oning ishlitish shertlirige asasen, pikirliringiz tekshürgüchiler teripidin testiqlinishi we muwapiq derijide tehrirlinishi tüpeyli, tor bette derhal peyda bolmaydu. Siz qaldurghan mezmun'gha erkin asiya radi'osi jawabkar bolmaydu. Bashqilarning köz qarishi we heqiqetke hörmet qilishingizni soraymiz.

Toluq bet