Ибни кәсир тәпсири қайтидин нәшридин чиқти

“ ибни кәсир тәпсири” қуран кәримниң әң мөтивәр тәпсири болуп, ислам дунясида әң зор шөһрәт қазанған диний әсәрләрниң биридур.
Ихтияри мухбиримиз өмәрҗан
2011.11.24
tepsir-ibn-kesir-305 Тәпсир ибин кәсир китабиниң йеңи нусқиси
RFA

“ ибни кәсир тәпсир ”ниң толуқ нами “тәпсири қуран әзим” болуп, миладийиниң 1301 - йили һазирқи сүрийиниң дәмәшиқ шәһиридә дуняға келип, 1372 - йили аләмдин өткән мәшһур мупәссир алим исмаил ибни өмәр ибни кәсир дегән киши тәрипидин әрәб тилида йезилған әң мөтивәр тәпсирдур. Һазирға қәдәр дуняда нәччә йүзлигән тилларға тәрҗимә қилинған.

Ибни кәсир тәпсириниң йоруқ көрүши

21 - Әсирниң башлиридин етибарән уйғурларниң диний әсәрләрни йезиш вә тәрҗимә қилиш паалийити йүксилишкә башлиди. Чәтәлләрдә һәр хил диний билимгаһларни пүттүргән уйғур яшлири тәрипидин диний әсәрләр көпләп йоруқ көрүшкә башлиди. Чәтәлләрдики уйғурлар тәрҗимә қилған диний әсәләрниң әң мәшһури ибни кәсир тәпсири болди. Бу тәпсирни тәрҗимә қилиш ишини уйғур тәрҗимә мәркизи үстигә алған болуп, улар бир қанчә он йиллиқ җапалиқ әмгәк сиңдүрүш нәтиҗисидә һазирқи заман уйғур тилиға тәрҗимә қилип чиққан иди.

Мундин илгири бу тәпсирниң тунҗи нусхиси нәшр қилинип уйғур мусулманлириға кәң тарқитилған иди. Бу қетим мәзкур әсәрниң қайта тәһрирләнгән нусхиси ливанда нәшр қилинди. Һазир бу тәпсир сәуди әрәбистаниниң мәккә мукәррә шәһиридә уйғур һаҗиларға кәң тарқитилип кәлмәктә.

“ибни кәсир тәпсири”ниң биринчи вә иккинчи нәшрлириниң йоруқ көрүши йолида сәуди әрәбистаниниң мәккә мукәррәмә шәһиридики вәтәнпәрвәр устаз сираҗиддин әзизи наһайити зор күч чиқарған болуп, уни уйғурларға тарқитиш ишлиридиму қиммәтлик вақтини айимастин халисанә хизмәт қилмақта.

Сираҗиддин һаҗимниң ейтишичә, уйғурлар тәрипидин “ибни кәсир тәпсири”гә болған тәләп наһайити юқири икән. Бу тәпсирниң биринчи қетимлиқ нәшри түгәп кәткәндин кейин, кишиләр униң иккинчи қетимлиқ нәшригә интизар болған вә ана вәтәндин һәҗгә келидиған уйғурларниң биринчи болуп издәйдиғини ибни кәсир тәпсири икән. Уйғур елидики мусулманларму һәҗ яки өмригә чиққучилардин сорайдиғини бу тәпсир икән. Шуңа уйғур мусулманлириниң бу юқири тәлипигә асасән, бу тәпсирниң нөвәттики тиражи үч миң нусха болуп бесилған.

“кәсир тәпсири”ниң һәҗми

“ибни кәсир тәпсири” ниң тунҗи қетимлиқ нәшри үч том қилип нәшр қилинған болуп, униң иккинчи қетимлиқ нәшри 6 том қилинған. Һәр бир томи тәхминән 800 бәттин болуп, һәммиси 4800 бәттин көпрәк келиду. Тәпсирниң бу нусхиси хети наһайити рошән, өзи ихчам, көтүрүшкә әплик болуп чиққан.

Пикир қошуң

Радиониң ишлитиш шәртлиригә асасән, пикирлириңиз тәкшүргүчиләр тәрипидин тәстиқлиниши вә мувапиқ дәриҗидә тәһрирлиниши түпәйли, тор бәттә дәрһал пәйда болмайду. Сиз қалдурған мәзмунға әркин асия радиоси җавабкар болмайду. Башқиларниң көз қариши вә һәқиқәткә һөрмәт қилишиңизни сораймиз.