Yawropada igilik tikligen Uyghurlarning “Teklimakan Uyghur réstorani”

“Teklimakan Uyghur réstorani” gérmaniyining myunxén shehirining merkizige jaylashqan bolup, sheherning eng awat rayonidiki bu réstoranning tijariti yaxshi, Uyghur yémeklik medeniyitini tonutushqa qoshqan hessisimu zor.

“Teklimakan Uyghur réstorani” ning ichki qismi Uyghurche chong tiptiki resimler bilen bézelgen. Ataqliq ressam ghazi emet sizghan “Muqam” namliq resim we “Qumluqtiki karwan” süritining chongaytilghan shekli réstoran tamlirigha liq kelgen bolup, bu réstoran'gha qedem basqan kishilerning közlirige chéliqip turidu.

RFA/Ekrem

“Teklimakan Uyghur réstorani” myunxén shehiridiki bashqa réstoranlargha sélishturghanda kölimi chong, süpiti yaxshi réstoranlardin biri.

“Teklimakan Uyghur réstorani” myunxén shehiridiki Uyghurlarning chong tiptiki ijtima'iy, medeniy pa'aliyetliri üchün xizmet qilip kéliwatqan bir jay bolupla qalmay, bash shtabi myunxén shehiride bolghan d u q we yawropa sherqiy türkistan birliki teshkilatining chong yighinliri yaki chong siyasiy pa'aliyetliri mezgilliride Uyghur jama'itige dastixan sélip kéliwatqan bir réstorandur. Bu réstoran hazir ikki qewet qilip özgertilgen bolup, Uyghurche uslubta bézelgen üstünki qewiti Uyghurlarning türlük shekillerdiki merikiliri üchün hazirlan'ghan.

Réstoran xojayini rexi ependi eslide xitay tilida oqughan bir kishi bolup, Uyghurchisi bek rawan bolmisimu, ziyaritimiz dawamida sorighan so'allirimizgha mumkin qeder toluq jawab bérishke tirishti. Diqqitinglar töwendiki bu ziyarette bolghay.

Yuqiridiki ulinishtin ixtiyariy muxbirimiz ekremning “Teklimakan Uyghur réstorani” xojayini rexi ependi bilen élip barghan söhbitini anglaysiler.