Türkiyide 'ilim tarixigha töhpe qoshqan türk alimliri' namliq yighin ötküzüldi

Süret, 2010 ‏- yili 1 ‏- ayning 14 ‏- küni, türkiyining izmit shehirige jaylashqan gebze ali téxnika institutining uyushturushi bilen échilghan "ilim tarixigha töhpe qoshqan türk alimliri" namliq yighinda, zhurnalist ismail qahriman "türkistan jughrapiyisi we xorasan medeniyiti" dégen témida söz qiliwatqan körünüsh.

Yighin'gha türk tarixi tetqiqatchilar, türkolog alimlar we gebze aliy téxnika institutining oqutquchi we oqughuchiliri bolup köp sanda kishi qatnashti.

Yighinda gebze aliy téxnika institutining sabiq réktori abdulqadir akchin "ilim tarixigha töhpe qoshqan türk alimliri" dégen témida, zhurnalist isma'il qahriman "türkistan jughrapiyisi we xorasan medeniyiti" dégen témida söz qildi. Kéyin özi ishligen, türkistan we xorasanni ekis ettürgen höjjetlik filimni teqdim qildi.

Zhurnalist isma'il qahrimanning bu yighinda oqup ötken, "türkistan jughrapiyisi we xorasan medeniyiti" témidiki maqalisi yighin ishtirakchilirining alahide diqqitini tartqan bolup, bu maqale shu küni gebze gézitide élan qilindi.

Maqalide asasliqi ottura asiyaning tarixtiki jughrapiyilik orni we ehmiyitini tonushturup, Uyghurlar heqqidimu toxtalghan.

Yuqiridiki awaz ulinishidin, bu heqtiki melumatimizning tepsilatini anglaysiler.