Шәрқий түркистан маарип вә һәмкарлиқ җәмийитидә роза һейтни тәбрикләш мурасими өткүзүлди

Бүгүн роза һейт, дуняниң һәр қайси җайлиридики уйғур мусулманлири бу һейт байримини қизғин тәбриклимәктә, җүмлидин түркийиниң истанбул шәһридә яшаватқан уйғурларму роза һейтни қизғин күтүвалди.
Мухбиримиз арслан
2008-10-01
Share
maarip-jemiyti-305.jpg Бу қетим маарип вә һәмкарлиқ җәмийитиниң рәислик вәзиписигә сайланған һидайәтуллаһ оғузхан әпәнди бурунқи паалийәтләрниң биридә сөздә.
RFA File

Роза һейти мусулманларниң йилда бир қетим өткүзидиған әнәниви байрими. Бу байрамда мусулманлар бир бирини қизғин тәбрикләйду. Өз ара зиярәт қилишип достлуқни күчәйтиду, өч ‏ - адавәтни ююветип, инақ ‏ - иттипақлиқни мустәһкәмләйду. Уйғур мусулманлириму бу байрамни қизғин тәбрикләйду. Өзара бир бирини зиярәт қилиду, аввал кичикләр чоңларни зиярәт қилиду. Байрамда кичикләргә совғат тәқдим қилиниду. Уйғур райониниң қәшқәр қатарлиқ шәһәрлиридә уйғур яшлири байрамни тәбрикләп нағра ‏ - сунайға тәңкәш қилип самаға чүшиду.

2008 ‏ - Йили 30 ‏ - сентәбир сәйшәнбә күни шәрқий түркистан маарип вә һәмкарлиқ җәмийитиниң уюштуруши билән истанбулда яшаватқан уйғурлар шәрқий түркистан маарип вә һәмкарлиқ җәмийитигә йиғилип роза һейт байримини тәбрикләш мурасими өткүзди. Мурасимға истанбулда яшаватқан уйғурлардин 250 дин артуқ киши иштирак қилди. Мурасимға шәрқий түркистан маарип вә һәмкарлиқ җәмийитиниң баш катипи доктур алимҗан риясәтчилик қилди.

Мурасимда шәрқий түркистан маарип вә һәмкарлиқ җәмийитиниң башлиқи доктур атавулла шәһяри сөз қилип уйғур мусулманлириниң роза һейт байримини тәбриклиди.

Мурасимда йәнә шәрқий түркистан маарип вә һәмкарлиқ җәмийитиниң иҗраийә рәиси абликимхан мәхсум сөз қилип пүткүл уйғур мусулманлириниң җүмлидин мурасим иштиракчилириниң роза һейтини тәбриклиди. Мурасимда йәнә яш қәләмкәш миркамил қәшқәри өзи язған ахирәт тәсәввури дегән мақалисини оқуп өтти.

Мурасимға қатнашқан пүткүл уйғурлар өз ара саламлишип бир бириниң роза һейтини тәбрикләш билән биргә бир биригә тинч аман вә хатирҗәмлик тиләшти. Мурасим ахирида тамақ зияпити берилди. Зияпәттин кейин мурасим һаяҗанлиқ ичидә ахирлашти.


Пикир қошуң

Радиониң ишлитиш шәртлиригә асасән, пикирлириңиз тәкшүргүчиләр тәрипидин тәстиқлиниши вә мувапиқ дәриҗидә тәһрирлиниши түпәйли, тор бәттә дәрһал пәйда болмайду. Сиз қалдурған мәзмунға әркин асия радиоси җавабкар болмайду. Башқиларниң көз қариши вә һәқиқәткә һөрмәт қилишиңизни сораймиз.

Толуқ бәт