Sherqiy türkistan ma'arip we hemkarliq jem'iyitide roza héytni tebriklesh murasimi ötküzüldi

Bügün roza héyt, dunyaning her qaysi jayliridiki Uyghur musulmanliri bu héyt bayrimini qizghin tebriklimekte, jümlidin türkiyining istanbul shehride yashawatqan Uyghurlarmu roza héytni qizghin kütüwaldi.
Muxbirimiz arslan
2008-10-01
Share
maarip-jemiyti-305.jpg Bu qétim maarip we hemkarliq jemiyitining reislik wezipisige saylanghan hidayetullah oghuzxan ependi burunqi paaliyetlerning biride sözde.
RFA File

Roza héyti musulmanlarning yilda bir qétim ötküzidighan en'eniwi bayrimi. Bu bayramda musulmanlar bir birini qizghin tebrikleydu. Öz ara ziyaret qiliship dostluqni kücheytidu, öch ‏ - adawetni yuyuwétip, inaq ‏ - ittipaqliqni mustehkemleydu. Uyghur musulmanlirimu bu bayramni qizghin tebrikleydu. Özara bir birini ziyaret qilidu, awwal kichikler chonglarni ziyaret qilidu. Bayramda kichiklerge sowghat teqdim qilinidu. Uyghur rayonining qeshqer qatarliq sheherliride Uyghur yashliri bayramni tebriklep naghra ‏ - sunaygha tengkesh qilip samagha chüshidu.

2008 ‏ - Yili 30 ‏ - séntebir seyshenbe küni sherqiy türkistan ma'arip we hemkarliq jem'iyitining uyushturushi bilen istanbulda yashawatqan Uyghurlar sherqiy türkistan ma'arip we hemkarliq jem'iyitige yighilip roza héyt bayrimini tebriklesh murasimi ötküzdi. Murasimgha istanbulda yashawatqan Uyghurlardin 250 din artuq kishi ishtirak qildi. Murasimgha sherqiy türkistan ma'arip we hemkarliq jem'iyitining bash katipi doktur alimjan riyasetchilik qildi.

Murasimda sherqiy türkistan ma'arip we hemkarliq jem'iyitining bashliqi doktur atawulla shehyari söz qilip Uyghur musulmanlirining roza héyt bayrimini tebriklidi.

Murasimda yene sherqiy türkistan ma'arip we hemkarliq jem'iyitining ijra'iye re'isi ablikimxan mexsum söz qilip pütkül Uyghur musulmanlirining jümlidin murasim ishtirakchilirining roza héytini tebriklidi. Murasimda yene yash qelemkesh mirkamil qeshqeri özi yazghan axiret tesewwuri dégen maqalisini oqup ötti.

Murasimgha qatnashqan pütkül Uyghurlar öz ara salamliship bir birining roza héytini tebriklesh bilen birge bir birige tinch aman we xatirjemlik tileshti. Murasim axirida tamaq ziyapiti bérildi. Ziyapettin kéyin murasim hayajanliq ichide axirlashti.


Pikir qoshung

Radi'oning ishlitish shertlirige asasen, pikirliringiz tekshürgüchiler teripidin testiqlinishi we muwapiq derijide tehrirlinishi tüpeyli, tor bette derhal peyda bolmaydu. Siz qaldurghan mezmun'gha erkin asiya radi'osi jawabkar bolmaydu. Bashqilarning köz qarishi we heqiqetke hörmet qilishingizni soraymiz.

Toluq bet