Истанбулдики "сәйир" намлиқ радиода уйғурларниң нөвәттики вәзийити аңлитилди

2011 - Йили 11 - айниң 30 - күни түркийә вақти саәт 16:00 дә мәркизи истанбулдики сәйир еф ем радиосиниң "дунядики вәзийәтлири" намлиқ программисида уйғурларниң нөвәттики вәзийити аңлитилди.
Ихтияри мухбиримиз арслан
2011-12-02
Share
turkey-seyr-305.png Сәйр радийосинида һидайәтуллаһ оғузһан нәқ мәйдан тарқиташқа қатнишип сөз қиливатқан көрүнүш.
Photo: RFA

Дуня вәзийити намлиқ программиға сәйр радиосиниң хадимлиридин фатиһ өмәр билән җиһангир ишбилир әпәндиләр риясәтчилик қилди, программиға шәрқий түркситан маарип вә һәмкарлиқ җәмийитиниң рәиси һидайәтуллаһ оғузхан тәкилип билән қатнашти. Һидайәтуллаһ оғузхан, уйғурларниң нөвәттики вәзийәтлири, хитайниң ассимлиятсийә қилиш сиясәтлири шундақла үрүмчи вәқәсидин кейин уйғурлар дүч келиватқан қийинчилиқлар тоғрисида риясәтчиниң соаллириға җаваб бәрди.

Бу программа сәйир радиосида нәқ мәйдандин тарқитилди. Бу программида һидайәтуллаһ оғузхан йәнә, хитай билән ислам дунясии мунасивәтлири, хитай - түркийә мунасивәтлири вә уйғурларниң һазирқи вәзийити тоғрисида тохталди.

Сәйр радиосиниң риясәтчиси җиһангир ишбилир әпәнди охшаш вақитта ислам дуняси иҗтимаи тәшкилатлар бирликиниң идарә һәйәт рәһбәрлиридин бири болуп, биз уйғурлар һәққидә җиһангир ишбилир әпәндиниң пикир қарашлирини алдуқ. Җиһангир ишбилир әпәнди уйғур вәзийити тоғрисида немиләрни ойлаватисиз? қандақ қилғанда уйғур мәсилисини дуня күнтәртипкә кәлтүргили болиду дегән соалимиз җаваб берип мундақ деди:

- Биз ислам дуняси аммивий тәшкилатлар бирлики болуш сүптимиз билән, хитайниң кишилик һоқуқни дәпсәндә қиливатқанлиқини давамлиқ әйибләп келиватимиз. Бүгүн сәйир радиосиниң программисида шәрқий түркситан мәсилисини күнтәртипкә кәлтүрдуқ. Шәрқий түркистанлиқ қериндашлиримизниң һәр саһәдә тәрәққи қилиши вә кишилик һоқуқ дәпсәндичилики вә бесим астида қалмаслиқи үчүн хәлқараниң қоллишиға еришиш үчүн хизмәт қиливатимиз. Биз шәрқий түркситан мәсилисини ислам дунясиниң күнтәртипигә кәлтүримиз. Буниң үчүн һәр қетим ечилған йиғинларда күнтәртипкә кәлтүрүватимиз. Шәрқий түркистан мәсилсини унтуп кетишкә, көз йүмуп өтүп кетишкә йол қоймаймиз. Мениң қаришимчә, ислам дуняси аммивий тәшкилатлар бирликиниң йиғинлириға охшаш хәлқаралиқ чоң йиғинларда, академикларниң йиғинлирида, техиму җиддий бир шәкилдә шәрқий түркистан мәсилси оттуриға қоюлуши керәк. Техиму көп күнтәртипкә кәлтүрүлүши үчүн ортақ иш - пиланлар түзишимиз керәк. Шәрқий түркистан мәсилисигә охшаш башқа ислам дунясиниң мәсилилириниң һәл болуши ислам дунясиниң иттипақлишишиға бағлиқ. ялғуз түркийиниң, ялғуз сәудий - әрәбистанниң яки парс қолтуқи дөләтләрниң күчлүк болушиға әмәс, бәлки пүткүл ислам дунясиниң иттипақлишип ортақ һәрикәт қилишиға бағлиқ. Иттипақлишип бирликтә һәрикәт қилмиғучә, хитайға қарши күчимиз йәтмәйду, ялғуз түркийиниң яки сәудий әрәбистанниң күчи купайә қилмайду. Һәммимиз бирликтә һәрикәт қилишимиз керәк, ундақ болмайдикән, бу мәсилиләрни һәл қилиш мумкин әмәс.

Биз бу һәқтә техиму көп мәлуматқа еришиш үчүн программиға қатнашқан шәрқий түркистан маарип вә һәмкарлиқ җәмийитиниң рәиси һидайәтуллаһ оғузхан билән сөһбәт елип бардуқ.

Пикирләр (0)

Барлиқ пикир - баянларни көрүш.

Пикир қошуң

Радиониң ишлитиш шәртлиригә асасән, пикирлириңиз тәкшүргүчиләр тәрипидин тәстиқлиниши вә мувапиқ дәриҗидә тәһрирлиниши түпәйли, тор бәттә дәрһал пәйда болмайду. Сиз қалдурған мәзмунға әркин асия радиоси җавабкар болмайду. Башқиларниң көз қариши вә һәқиқәткә һөрмәт қилишиңизни сораймиз.

Толуқ бәт