5-Iyul ürümchi weqesi munasiwiti bilen istanbulda namayish ötküzüldi

Bügün 5-iyul ürümchi weqesining ikki yilliqi munasiwiti bilen 2011-yili 5-iyul küni istanbulda yashawatqan Uyghurlarmu xitayning istanbuldiki konsulxanisi aldigha toplinip namayish qildi.
Ixtiyariy muxbirimiz arslan
2011-07-05
Share
Istanbulda-namayish-5-iyul-305.jpg 5-Iyul ürümchi weqesi munasiwiti bilen istanbulda ötküzülgen namayish. 2011-Yili 5-iyul.
RFA/Arslan

Bu namayish merkizi istanbulgha jaylashqan sherqiy türkistan ma'arip we hemkarliq jem'iyiti teripidin uyushturulghan bolup namayishqa istanbulning Uyghurlar köp olturaqlashqan zeytinburnu, sefaköy we aqsaray qatarliq rayonlarda yashaydighan Uyghurlardin er-ayal we kichik balilar bolup köp sanda kishi qatnashti.

Namayishchilar 6 dane aptobus we bir qanche kichik mashinilar bilen yürüp xitayning istanbuldiki konsulxanisi aldigha jem boldi. Namayish türkiye waqti sa'et 12:00 de bashlandi. Namayishchilar qollirida ay yultuzluq kök bayraq bilen türk bayraqliri kötürgen bolup, bezi namayishchilar qollirida 5-iyul ürümchi weqesi körsitilgen chong hejimlik süretlerni kötürgen idi. Namayishchilar türlük sho'arlarni towlidi.

Istanbulda-namayish-5-iyul1-385.jpg
5-Iyul ürümchi weqesi munasiwiti bilen istanbulda ötküzülgen namayish. 2011-Yili 5-iyul.
RFA/Arslan

Namayish meydanigha köp sanda radi'o-téléwiziye muxbirlirimu kelgen bolup, axbarat élan qilish yighini uyushturuldi we sherqiy türkistan ma'arip we hemkarliq jem'iyitining bashliqi hidayetulla oghuzxan ependi 5‏-iyul ürümchi weqesige alaqidar teyyarlighan bayanatini oqup ötti.

Axirida saqchilarning ruxset qilishi bilen 5 Uyghur namayishchilargha wakaliten xitay konsulxanisining derwazisigha qarachembirek qoydi. Türkiyide qarachembirek insaniyetke qarshi jinayet ishligenlerni eyiblep qoyulidu. Namayish axirida ürümchi weqeside shéhit bolghanlarning rohigha du'a qilindi.

Pikir qoshung

Radi'oning ishlitish shertlirige asasen, pikirliringiz tekshürgüchiler teripidin testiqlinishi we muwapiq derijide tehrirlinishi tüpeyli, tor bette derhal peyda bolmaydu. Siz qaldurghan mezmun'gha erkin asiya radi'osi jawabkar bolmaydu. Bashqilarning köz qarishi we heqiqetke hörmet qilishingizni soraymiz.

Toluq bet