Kanada Uyghur jem'iyiti xitaydiki hoquq almishish toghrisida chaqirilghan metbu'at yighinigha qatnashti

Qurultayda békitilishiche, kéler 3 - aydin bashlap shi jinping prézidéntliq wezipisini, li kéchang bash ministirliq wezipisini oteydighanliqi éniq. Bu xitayning tunji qétim on nechche yildin bériqi keng kölemlik hoquq tengshishi bolup, xitay kommunistik partiyisining yéngi hoquqdarliri nurghun siyasi, iqtisadi, muhit we ijtima'i mesililerni hel qilmisa bolmaydighan bir dewride, bolupmu sherqi turkistan we tibette yürgüzülüwatqan zulum we heqsizliq uchigha chiqqan bir dewrde meydan'gha chiqti. Ularning bu mesililerni hel qilish niyiti barmu? xitaydiki yéngi hoquq almishish siyasi islahat peyda qilip, metbu'at erkinliki we bashqa insan heqlirige hörmet qilishni yolgha qoyalamdu? Uyghur we tibetlerning heqiqaniy teleplirini hörmet qilishi mumkinmu? mana mushundaq bir qatar so'allar dunya jama'etchilikining diqqitini tartiwatqan bolup, kanadadiki xitaygha démokratiye we erkinlik telep qilidighan teshkilatlar metbu'at yighinida bu heqte kanada metbu'atlirigha öz köz qarishini bildürdi.

Bu qétimqi metbu'at yighinigha Uyghur kanada jem'iyiti, démokratik xitay fédératsiyisi teshkilati, tibet kanada jem'iyiti, we kanadadiki teywenlikler jem'iyiti qatarliqlarning wekilliri qatnashti.

Uyghur kanada jem'iyitining mu'awin re'isi adil abbas söz qilip, xitaydiki hoquq almishishning Uyghurlargha paydiliq özgirish élip kélidighanliqigha ümidsiz qaraydighanliqini bildürdi we muxbirimizning bu heqtiki so'allirigha jawab berdi.