Dunya insan heqliri künide toronto bilen wankowérda namayish

Kanada parlamént ezasi péggy nash xanim, hüseyin jélil mesiliside xitaygha qarita bésimni qaytidin kücheytishke ündesh namayishida.

Hazir buninggha 60 yil toldi. Lékin kishilik hoquq depsendichilikliri dunyaning her qaysi jaylirida yenila yüz bermekte.Uyghurlar kishilik hoquqliri eng éghir depsende qiliniwatqan xelqlerning biri.

Bügün kanadaning toronto we wankuwér sheherliridiki Uyghurlar bu sheherlerdiki xitay elchixanisining aldigha toplinip, xitay da'irilirige qarshi naraziliq namayishi ötküzdi we dunyawi kishilik hoquq xatire künide tebriklesh pa'aliyiti élip bardi.

Kanada Uyghur jem'iyitining re'isi ruqiye xanimning bildürüshiche, kechürüm teshkilati kanada bölümi 11 - ayning 21 - küni ghuljida qolgha élin'ghan méyip yash abdushükür qurbanni qutquzush pa'aliyiti élip barghan we torontodiki Uyghurlar bu pa'aliyetke ishtirak qilghan.

Bu künde yene kanadaning wankuwér shehiridiki Uyghurlarmu xitay konsulxanisining aldigha toplinip, Uyghurlarning kishilik hoquqlirining depsende qilinishigha naraziliq bildürüsh pa'aliyiti élip barghan. Kanada Uyghur jem'iyitining wankowérdiki hey'et ezasi ömerjan ependi wankowérdiki pa'aliyetler heqqide melumat berdi.