Kanada Uyghur jem'iyitining yéngi rehberlik apparatini ziyaret

Yéqinda kanadadiki Uyghurlar kanadaning ottawa, albérta, köbek, british kolombiye qatarliq ölkiliridiki Uyghurlar yashaydighan sheherlerde birla waqitta saylam élip bérish arqiliq, kanada Uyghur jem'iyitining yéngi nöwetlik re'isini saylap chiqti.
Ixtiyariy muxbirimiz gülshen abduqadir
2012.06.01
kanada-uyghur-saylam-305.jpg Kanadadiki saylamda qéyum mesimuf kanada Uyghur jem'iyitining re'islikige saylandi. 2012-Yili 27-may.
RFA/Gulshen


Bu qétimqi saylamni kanadaning toronto shehiride qurulghan kanada Uyghur jem'iyitining saylam ishlirigha rehberlik qilish aliy komitéti élip barghan bolup, saylam kanadadiki Uyghurlar tarixida élip bérilghan tesir da'irisi bir qeder zor, yuqiri we ottura qatlam ziyaliylar aktipliq bilen qatnashqan we kanadaning démokratik prinsiplirigha maslashqan saylam bolup hésablinidu.

27 - May torontodiki merkizi bilet tashlash rayonida ochuq ashkara sanalghan bilet netijisige asasen 162 awaz bilen kanada Uyghur jem'iyitining re'islikige saylan'ghan qéyum mesimufni torontodiki Uyghurlar qizghin chawaklar bilen tebriklidi. Qéyum mesimuf saylam meydanida hayajanlan'ghanlirini ipadilidi.

Shu küni élip bérilghan saylam jeryanida yene adil abbas kanada Uyghur jem'iyitining mu'awin re'islikige saylandi. Kanada Uyghur jem'iyitining sabiq re'isi ruqiye turdush adil abbasni köpchilikke tonushturdi.

Saylam axirlashqandin kéyin biz kanada Uyghur jem'iyitining yéngidin saylan'ghan mu'awin re'isi adil abbasni we kanada Uyghur jem'iyitining yéngi re'isi qéyum mesimufnimu ziyaret qilduq.

Pikir qoshung

Radi'oning ishlitish shertlirige asasen, pikirliringiz tekshürgüchiler teripidin testiqlinishi we muwapiq derijide tehrirlinishi tüpeyli, tor bette derhal peyda bolmaydu. Siz qaldurghan mezmun'gha erkin asiya radi'osi jawabkar bolmaydu. Bashqilarning köz qarishi we heqiqetke hörmet qilishingizni soraymiz.