Көкбайрақ журнили 5 - июл үрүмчи вәқәсигә беғишлап мәхсус сан чиқарди

`Түркийә гүнлүгү` йәни `түркийиниң күнлүк хатириси` намлиқ журналдин кейин, `көкбайрақ` жорнилиму 5 - июл үрүмчи вәқәсигә беғишлап мәхсус сан нәшир қилдурди. Бу сандики биринчи мақалиниң 'темиси өтмүштин бүгүнгичә шәрқий түркистан.'
Мухбиримиз әркин тарим
2009-09-23
Share
Kok-bayraq-jornili-305.jpg Сүрәт, көкбайрақ журнилиниң 5 - ийул үрүмчи вәқәсигә беғишлап мәхсус чиқирилған саниниң муқава көрүнүши.
RFA Photo / Erkin Tarim

Кейин жорналда йәнә түркийәдики гезитләрдә 5 - июл үрүмчи вәқәси һәққидә чиққан хәвәр вә мақалиләрниң темилири рәңлик рәсимләр билән берилгән. 5 - Июл үрүмчи вәқәсигә түркийидики гезитләр биринчи бәттә орун бәргән иди. Көкбайрақ жорнилиниң бу мәхсус санида үрүмчи вәқәси һәққидә түркийәдики даңлиқ обзорчилар язған мақалиларғиму йәр берилгән.

Булар мақалилар, тәрҗиман гезитиниң обзорчиси сабиқ парламент әзаси айдин мәндәрәс язған `шәрқий түркистан` мавзулуқ мақалә, радикал гезитиниң обзорчиси сабиқ министир намиқ камал зәйбәк язған `у йәр шәрқий түркистан` мавзулуқ мақала, радикал гезитиниң обзорчиси сабиқ министир һасан җәлал гүзәл язған `түркийәниң сиртида әң көп түрк нупуси бар йәр қәйәр биләмсиләр? мавзулуқ мақала, даңлиқ обзорчи таһа ақйол язған `шәрқий түркистанда хитайниң вәһшилики давам қиливатқанда` вә даңлиқ обзорчи фикрәт била әпәнди язған `дүня бу вәһшиликкә қарап турмақта` мавзулуқ обзорлардин ибарәт.

Булардин башқа әртуғрул айдин, ахмәт варол, җумһурийәт гезити обзорчиси риза зәлюрт вә бүгүн гезити обзорчиси ахмәт ташгетирән қатарлиқ обзорчиларниң мақалилириму таллап жорнлаға киргүзүлгән. Көкбайрақ журнили 15 йилдин бери қәйсәридә паалийәт елип бериватқан шәрқий түркистан мәдинийәт вә һәмкарлиқ җәмийити тәрипидин нәшир қилиниватқан икки айда бир чиқидиған журнал.

Әгә үниверситити оқутқучиси проф. Др. Алимҗан инайәт бу журналдики мақалиләр һәққидә тохталди.

Юқиридики аваз улинишидин, бу һәқтики мәлуматимизниң тәпсилатини аңлайсиләр.

Пикирләр (0)

Барлиқ пикир - баянларни көрүш.

Пикир қошуң

Радиониң ишлитиш шәртлиригә асасән, пикирлириңиз тәкшүргүчиләр тәрипидин тәстиқлиниши вә мувапиқ дәриҗидә тәһрирлиниши түпәйли, тор бәттә дәрһал пәйда болмайду. Сиз қалдурған мәзмунға әркин асия радиоси җавабкар болмайду. Башқиларниң көз қариши вә һәқиқәткә һөрмәт қилишиңизни сораймиз.

Толуқ бәт