Хәлқара җинайи ишлар мәһкимиси қазафийни тутуш қарари чиқарди

Хәлқара җинайи ишлар мәһкимиси түнүгүн 2011-йили 27-июн күни казафий, униң чоң оғли сәйфул ислам вә ливийә дөләт мәхпийәтлик идарисиниң башлиқи абдулла сәнусий қатарлиқ үч кишини тутуш һәққидә қарар елан қилған.
Ихтиярий мухбиримиз өмәрҗан
2011.06.28
liwiye-bashliqi-305.jpg Мустәбит моамәр кадһафи телевизийә нутқи сөзләп хәлққә тәһдит салди. 2011-Йили 22-феврал.
AFP

Шуниң билән казафий судан рәиси өмәр бәширдин кейинки һакимийәт үстидә туруп һәққидә тутуш буйруқи чиқирилған иккинчи дөләт башлиқи һесаблинидикән.

Лондонда чиқидиған “оттура шәрқ” гезитиниң 2011-йили28-июн сәйшәнбә күнидики санида, “казафийни тутуш буйруқи һәққидики инкаслар” дегән темида бир мақалә елан қилинған болуп, униңда мундақ дәп йезилған: “27-июн күни лаһайда казафий, сәйфул ислам вә абдулла сәнусий қатарлиқ үч кишини тутуш һәққидә қарар елан қилған болуп, бу қарар хәлқарада көплигән сиясийонларниң, тәшкилат вә җәмийәтләрниң қизғин қарши елишиға вә қоллишиға еришти. Қарар елан қилинған һаман ливийидики инқилабчилар тәрипидин қурулған миллий комитетниң рәиси мустафа абдулҗелил бу қарарниң наһайити тоғра болғанлиқи билдүргән. Шималий атлантик әһдә тәшкилатиниң баш катипи андири әмди казафийниң иши түгиди дегән. Әнглийә вә германийә ташқи ишлар министирлириму бу қарарни күчләндүргән вә казафий йеқинлирини униңдин вазкечишкә чақирған. Хәлқара җинайи ишлар мәһкимисиниң қарилиғучиси ловис морину окамбу казафий, униң оғли вә абдулла сәнусий қатарлиқ үч кишиниң 15-феврал күнидин бири ливийидә әң вәһший шәкилдә адәм өлтүрүш җинайәтлири сәвәблик уларни тутуш һәққидики тәләпни 16-май күни мәһкимгә сунған иди. Окамбуға көрә, казафий ливийидә елип адәм өлтүрүш, қийнаш вә тутқун қилиш қатарлиқ вәһший җинайәтләрни садир қилғанлиқ җинайити билән, казафийниң 39яшлиқ чоң оғли сәйфул ислам ливийигә чәтәлләрдин пулға сетилғанларни елип келип, намайишчиларға қарши уларни қоралландурғанлиқ җинайити билән,  ливийә дөләт мәхпийәтлик идарисиниң башлиқи абдулла сәнусий казафийниң ян тайиқи болуп, униң җинайи қилмишлириға ярдәм бәргән вә намайишчиларни етиш буйруқини бәргән җинайити билән әйибләнмәктә икән.”

Түнүгүн 27-июн күни қатарниң “әл җәзирә” телевизийә қанилиға хәлқара җинайи ишлар мәһкимисиниң мәркизи лаһайдин абдулваһид қудус мундақ баянат бәргән иди: “бүгүн казафий вә униң икки нәпәр яндиши һәққидә хәлқара җинайи ишлар мәһмиси тутуш қарарини чиқарди. Қарардин кейин һәр тәрәптин алқишлар яғди. Чүнки бу миңларчә бигунаһ инсанниң қенини төккән җинайәтчиләр һәққидики һөкүм иди.”

Казафий өзи һәққидики тутуш қарарини әмәлгә ашмайдиған қарар деди

“оттура шәрқ” гезитиниң 28-июн санида, қаһирә шәһиридин халид мәһмудниң “казафий һәққидики тутуш қарарини әмәлгә ашмайдиған қарар деди” дегән темидики бир мақалиси елан қилинған болуп, мундақ дәп йезилған: “казафий хәлқара җинайи ишлар мәһкимисиниң қарарини көзгә елип қоймиди вә уни һәргиз әмәлгә ашмайдиған қарар дәп саниди. Ливийилик бир мәсулниң билдүрүшичә казафийни өзиниң яндашлириға нутуқ сөзләшкә һазирланмақта. Ливийилик йәнә бир мәсул казафий тутуш қарарини қәғәз йүзидики қара сиядин башқа нәрсигә әрзимәйду, казафийни қоғдаш йолида җенини пида қилидиған милйонлиған ливийиликләр барлиқини сөзлиди. Әһвалдин қариғанда ливийидики казафий яндашлири казафийни тутуш қараридин һеч чөчүмигән.”

Пикир қошуң

Радиониң ишлитиш шәртлиригә асасән, пикирлириңиз тәкшүргүчиләр тәрипидин тәстиқлиниши вә мувапиқ дәриҗидә тәһрирлиниши түпәйли, тор бәттә дәрһал пәйда болмайду. Сиз қалдурған мәзмунға әркин асия радиоси җавабкар болмайду. Башқиларниң көз қариши вә һәқиқәткә һөрмәт қилишиңизни сораймиз.