London Uyghur ansambili we en'gliye Uyghur jem'iyiti birlikte qurban héyt merikisi orunlashturdi

Dunyaning herqaysi jayliridiki Uyghurlar musulmanlarning en'eniwi diniy bayrimi qurban héytni tebriklimekte. Londondiki en'gliye Uyghur jem'iyiti hem london Uyghur ansambili bu yilliq qurban héyt munasiwiti bilen héytliq sen'et merikisi orunlashturdi.
Muxbirimiz méhriban
2012-10-26
Élxet
Pikir
Share
Print
Sürette, londun uyghur ansambili ezaliri.
Sürette, londun uyghur ansambili ezaliri.
Süretni londun uyghur ansambili teminligen.

London Uyghur ansambilining mes'uli eziz eysa ependi radi'omiz ziyaritini qobul qilip, bu qétimqi qurban héyt merikisini orunlashturushtiki asasi meqsitining en'gliyidiki Uyghur jama'itini bir yerge yighip, qurban héyt bayrimini tebriklesh, téximu muhimi Uyghur medeniyet-sen'itini tonushturush, en'gliyidiki Uyghur perzentlirige ana til we Uyghur medeniyiti bilen köprek uchrishish pursiti yaritip bérish ikenlikini ilgiri sürdi.

En'gliyidiki london Uyghur ansambilining mes'uli eziz eysa ependi, radi'omiz ziyaritini qobul qilip, london Uyghur ansambili hem en'gliye Uyghur jem'iyiti birlikte en'gliyining london shehiridiki Uyghur jama'iti we Uyghurlargha qiziqidighan en'gliyilik dostlar üchün 2012-yilliq qurban héyt merikisi orunlashturghanliqini bildürdi.

Eziz eysa ependi bu qétimqi qurban héyt merikisini orunlashturushtiki meqset heqqide toxtilip, bu qétimqi pa'aliyetning en'gliyidiki Uyghur jama'itining medeniy turmushini béyitish, bolupmu en'gliyidiki Uyghur baliliri üchün, Uyghur sen'iti, medeniyiti, Uyghur tili we Uyghur jama'iti bilen téximu yéqindin tonushush pursiti yaritish üchün ikenlikini bildürdi.

London Uyghur ansambili 2004-yili 5-ay mezgilide, rehime mahmut,nizamidin semetof, yalqun abduréhim, stephen jones, rachel harris, rustem saliyif, kamil abbas, eziz eysa qatarliqlardin teshkillen'gen bolup, bu ömek qurulghandin buyan, yawropa döletliride orunlashturulghan her xil ammiwi pa'aliyetler we sen'et körekliride 200 nechche meydan konsért qoyup, Uyghur sen'itini yawropa ellirige tonushturushta köwrüklük rolini oynap kelmekte. London Uyghur ansambili qurulghandin buyan yene, londondiki Uyghurlarning ammiwi yighilish- pa'aliyetliride sen'et nomurlirini körsitip, en'gliye Uyghur jama'itining medeniy turmushini béyitish, Uyghurlarning muzika we medeniyitini en'gliye xelqige keng da'iride tonushturush, en'gliyidiki Uyghur perzentlirige ana til we Uyghur medeniyiti bilen uchrishish pursiti yaritip bérish qatarliq jehetlerde öz rolini jari qildurup kelmekte.

Toluq bet