Sherqiy türkistan ma'arip we hemkarliq jem'iyiti Uyghur oqughuchilarni mukapatlash murasimi ötküzdi

2008 ‏ - Yili 6 ‏ - 15 ‏ - küni türkiyide pa'aliyet qiliwatqan sherqiy türkistan ma'arip we hemkarliq jem'iyiti istanbulning zeytinburnu we safaköy rayonlirida Uyghur ösmürliri üchün achqan ana til yesli siniplirining oqughuchilirini mukapatlash murasimi ötküzdi.
Muxbirimiz arslan xewiri
2008-06-19
Share
Istanbul-maarip-derneg1-305 Istanbulning zeytinburnu we safaköy rayonlirida uyghur ösmürliri üchün achqan ana til yesli siniplirining oqughuchilirini mukapatlash murasimi.
RFA Photo / Arslan

 Murasim istanbul shehrining zeytinburnu rayonluq hökümet binasining yighin zalida échildi. Murasimgha istanbulda yashawatqan Uyghurlardin 300 din artuq kishi ishtirak qildi. Murasim, istanbulda yashawatqan Uyghur hemsheherler we Uyghur ösmürlirining öz ara munasiwetni qoyuqlashturush, dini, milli medeniyetni janlandurush, birlik, barawerlik we inaq ittipaqliqni téximu kücheytish üchün istanbulda yashawatqan hemsheherlirimizning bir yerge toyunup, öz ara uchurushni meqset qilidiken. Murasimgha sherqiy türkistan ma'arip we hemkarliq jem'iyitining bash katipi doktur alimjan riyasetchilik qildi. Murasimda sherqiy türkistan ma'arip we hemkarliq jem'iyitining mes'ulliridin ablikimxan mexsum, ma'arip we telim ‏ - terbiye mes'uli abduxaliq ependi söz qildi.

Ablikimxan mexsum ma'arip jem'iyitining telim ‏ - terbiye iniliri heqqide toxtilip mundaq dédi: "allahning salami silerge bolsun. Bir yerge topliship bu güzel murasimgha uyushturushqa muweppeq qilghan allahqa hemdi éytimen, teshekkür éytimen. Bizning bu sherqiy türkistan ma'arip we hemkarliq jem'iyiti qurulghili ikki yil boldi. Bu jem'iyet xelqimizni birleshtürüsh, xelqimizning ilmiy sapasini yuqiri kötürüshni meqset qilip pa'aliyet bashlighan. Jem'iyette xizmet qiliwatqanlar bolsun, jem'iyetni maddi we meniwi jehettin qollap ‏ - qowwetlewatqanlar bolsun, eng awwal özimizni islah qilish, özimizni yétildürüsh, shuning bilen birge 4 yashtin 50 yashqiche bolghan hemsheherlirimizge bilmigenni ögitish prinsip boyiche xizmet qiliwatimiz. Xizmet qilish jeryanida nurghun qérindashlar imkaniyitining yétishiche küch chiqirip hemkarliship kéliwatidu, allah bizge mushundaq xizmet qilishqa shert ‏ - shara'it hazirlap berdi, allahning bu pezli ihsanigha bina'en allahqa köp hemdi éytimiz, shuning bilen birge bizning ixlasmen, heqiqetperwer, wetenperwer qérindashlirimiz, qolidin kélishiche pa'aliyetlirimizni her jehettin qolidin kélishiche qollap kéliwatidu, bu qérindashlargha alladin rehmet beriket tileymen, we xatirjemlik tileymen, axirette jennetning aliy orundin orun bérishni alladin tileymen."

Ablikimxan mexsum yene mundaq dédi: " jem'iyitimizning ma'arip we telim ‏ - terbiye ishlirini qilishqa nahayiti qizghin, özining yémek ichmek, kiyim ‏ - kécheklirini islah qilishni unutqan halda xizmet qiliwatqan nurghun qérindashlirimiz bar. Nurghun acha singillirimiz bar, ular bir yilning ichide az emes ejirlerni singdürüp, melum miqdarda netijilerni barliqqa keltürdi, shu türde xizmet qiliwatqan barliq qérindashlirimiz, meyli oqutquchi qérindashlirimiz bolsun, meyli biz bilen hemkarlishiwatqan bashqa idare hey'etning qérindashlirimiz bolsun bularning ejrige allahtin rehmet, beriket tileymen, ténige saghliq tileymen. Bizning mushu pa'aliyetlirimizni uyushturush, hemkarlishish niyitide, bizning her bir pa'aliyetlirimizge qatnishiwatqan, mekteplerge balilirini ekilip bériwatqan, barliq qérindashlargha teshekkür éytimen, allah ulargha dunya ‏ - axirette bext ‏ - sa'adet we xatirjemlik ata qilsun, ularghimu alahide rehmet éytimen. Bizning nurghun qérindashlirimizning mushu pa'aliyetlerni qollughusi, we yardem qilishni xalaydighan qérindashlirimiz bar, amma xitay zalimlirining zulumidin qorqup, gerche 10 ming kilométir yiraqta yashawatqan bolsimu, melum tijaret we bashqa sewebler tüpeyli, xitaylar bilen tijaret we alaqe qilishqa mejbur bolghachqa, shu zulumidin qorqup, bizge qétilalmaywatqan, amma pa'aliyetlirimizning dawam qilishi üchün du'a tileklerde boliwatqan qérindashlirimizgha allahtin hidayet, we xatirjemlik tileymen."

Ablikimxan mexsum yene ma'arip jem'iyitining ma'arip ishlirigha maddi we meniwi jehettin yardemde bolghan shexslerge teshekkür bildürüp mundaq dédi: "bizning asasiy prinsipimiz, özimizni islah qilish, özimizni yétishtürüsh, xelqimizni islah qilish, xelqimizni yétishtürüsh üchün xizmet qilimiz, mushu xizmet jeryanida, allah razi bolsun, nurghun qérindashlar qoldin kélishiche küch chiqirip, yardemliship keldi, mushu xizmetlirimizni ishleshke allah ta'ala nurghunlighan shert ‏ - shara'it hazirlap berdi. Shuninggha oxshash bizning mushundaq pa'aliyetlirimizge qatniship bériwatqan, mekteplerge balilirini ekilip bériwatqan qérindashlargha alladin dunya we axiretlik bext sa'adet tileymen. Hemde ulargha alahide rehmet éytimen. Shuning bilen birge mushu safaköy we zeytinburnuda achqan mekteplerde telim éliwatqan ösmürlirimizge dunya axiretlik bext tileymen. Mehmut qeshqiri, yüsüpxas hajipqa oxshash, imam buxari, imam ebu heniyfige oxshash yaramliq alimlardin bolup yétiship chiqishigha, özining menpe'eti üchün shundaqla muqeddes dinimiz üchün xizmet qilidighan, exlaqliq alim bolup yétiship chiqishigha tilekdashmen."

Murasimda yene ösmür balilar nomur körsetti, shé'ir diklamatsiye qildi. Naxsha orunlidi. Murasim axirida istanbulda yashawatqan Uyghur pishqedemliridin seleyhajim artushi, memet'éli hajim, ismayil hajim qatarliq shexsler ma'arip jem'iyitining telim - terbiye ish pa'aliyetliri heqqide toxtilip, söz qildi hemde ma'arip jem'iyitining élip bériwatqan pa'aliyetliri üchün teshekkür éytidighanliqini bildürdi. Hemde oqughuchilargha mukapat boyumliri teqdim qildi. Murasim nahayiti hayajanliq ichide axirlashti.
Pikir qoshung

Radi'oning ishlitish shertlirige asasen, pikirliringiz tekshürgüchiler teripidin testiqlinishi we muwapiq derijide tehrirlinishi tüpeyli, tor bette derhal peyda bolmaydu. Siz qaldurghan mezmun'gha erkin asiya radi'osi jawabkar bolmaydu. Bashqilarning köz qarishi we heqiqetke hörmet qilishingizni soraymiz.

Toluq bet