Sherqiy türkistan ma'arip we hemkarliq jem'iyitining ayliq söhbet yighini

Türkiyide pa'aliyet élip bériwatqan sherqiy türkistan ma'arip we hemkarliq jem'iyiti her ayning béshidiki heptining yekshenbe künliri jem'iyet merkizige toplinip yighin ötküzüp kelmekte.
Muxbirimiz arslan
2009.01.09
maarip-jemiyti-305.jpg Bu qétim maarip we hemkarliq jemiyitining reislik wezipisige saylanghan hidayetullah oghuzxan ependi burunqi paaliyetlerning biride sözde.
RFA File

Yighinda asasliqi, birlishish we jama'et bolup uyushush we uning ehmiyetliri, ittipaqsizliqtin ibaret nachar illetlerge xatime bérish, shundaqla, Uyghurlarning hel bolmay kéliwatqan mesililiri heqqide toxtilip, her ayda Uyghur diyarida yüz bergen weqeler we dunya kün tertipide tilgha éliniwatqan mesililer heqqide söhbet qilinip, pikir ‏- mulahize yürgüzülüp kelmekte.

Bu söhbet yighini her ay dawamliship kéliwatqachqa yighin'gha qatnishidighan shexslerning sanimu ilgirikidin gholluq derijide köpeygen.

2009 ‏- Yili 4 ‏- yanwar küni sherqiy türkistan ma'arip we hemkarliq jem'iyitide 1 ‏- ayliq söhbet yighini ötküzüldi. Yighin'gha sherqiy türkistan ma'arip we hemkarliq jem'iyitining ezaliri we istanbulda yashawatqan Uyghurlardin bolup köp sanda kishi ishtirak qildi.

Yighin'gha sherqiy türkistan ma'arip we hemkarliq jem'iyitining bash katipi doktur alimjan ependi riyasetchilik qildi. Yighinda sherqiy türkistan ma'arip we hemkarliq jem'iyitining mes'ulliridin hörmetlik ablikimxan mexsum " birlishish, ittipaqlishish we birlishelmeslikning tüp amili" dégen témida söz qildi. Yighin 2 sa'et dawam qilghan bolup, kechlik tamaq ziyapitidin kéyin axirlashti.

Biz bu heqte melumatqa érishish üchün bu yighinni uyushturghan sherqiy türkistan ma'arip we hemkarliq jem'iyitining bash katipi doktur alimjan ependi bilen söhbet élip barduq. Yuqiridiki awaz ulinishidin, söhbitining tepsilatini anglaysiler.


Pikir qoshung

Radi'oning ishlitish shertlirige asasen, pikirliringiz tekshürgüchiler teripidin testiqlinishi we muwapiq derijide tehrirlinishi tüpeyli, tor bette derhal peyda bolmaydu. Siz qaldurghan mezmun'gha erkin asiya radi'osi jawabkar bolmaydu. Bashqilarning köz qarishi we heqiqetke hörmet qilishingizni soraymiz.