Sherqi türkistan ma'arip we hemkarliq jem'iyitide 3 ‏- ayliq söhbet yighini ötküzüldi

Türkiyide pa'aliyet élip bériwatqan sherqi türkistan ma'arip we hemkarliq jem'iyitining orunlashturushi bilen istanbulda yashawatqan Uyghur yashliri her ayning béshidiki heptining yekshenbe künliri jem'iyet merkizige toplinip yighin ötküzüp kelmekte.
Muxbirimiz arslan
2009-03-04
Share
AblikimhanMahsum-305 Sherqi türkistan maarip we hemkarliq jemiyitining 3 ‏- ayning 1 ‏- küni échilghan 3 - ayliq söhbet yighinidin bir körünüsh.
RFA Photo / Arslan

Jem'iyetning bu ayliq söhbet yighini  3 ‏- ayning 1 ‏- küni jem'iyet merkizide ötküzüldi, yighin'gha her aydikige oxshash jem'iyetning idare hey'et mes'ulliri we ezaliri shundaqla istanbulda yashawatqan Uyghurlardin 80 din artuq yashlar ishtirak qildi.

Yighin'gha sherqiy türkistan ma'arip we hemkarliq jem'iyitining bash katipi doktur alimjan ependi riyasetchilik qildi. Yighinda aldi bilen qur'an tilawet qilinip du'a qilindi, kéyin sherqiy türkistan ma'arip we hemkarliq jem'iyitining mes'ulliridin ablikimxan mexsum qatarliq mes'ulliri söz qildi.  Yighinda asasliqi, jama'etliship birlikte yashash we uning ehmiyetliri, yalghuz , yekke - yigane yashashning ehmiyetsiz hayat ikenliki , qérindashliq we ülpetlishish shundaqla exlaq ölchimi prinsipi dégen'ge oxshash mezmunlarda söz qilindi.
 
Yighinda sherqiy türkistan ma'arip we hemkarliq jem'iyitining mes'ulliridin hörmetlik ablikimxan mexsum "qérindashliq we ülpetlishish" dégen témida söz qilip mundaq dédi: "biz qérindashlargha her ayning béshida bir orun'gha toplishish, shu toplishish munasiwiti bilen öz ara didarlishish, hemnepes bolush, shuning bilen birge pikirdash bolush üchün söhbetliship kéliwatimiz. Söhbette bizning hazirqi emeliy weziyitimiz, hazirqi pisxika ehwalimiz, rohiy jehettiki bezi illetlerni yoqitish jehette izdinip kéliwatimiz. Bügünki söhbitimizde: qandaq bolghanda qérindash bolghili bolidu? qérindashliqning mejburiyiti néme? her bir mömin musulman dunya we axiretning bext ‏- sa'aditige érishish üchün qaysi derijidiki qérindashliqni wujudigha singdürüsh lazim, dégen mawzuda toxtilimiz. Qérindashliq güzel exlaqning miwisi, tepiriqchiliq nachar exlaqning netijisi,  güzel exlaq bir birini dost tutush, biri birige hemkarlishish, bir biri bilen maslishishni teqezza qilidu, nachar exlaq dégen bir birini yaman körüsh, bir ‏- birige heset qilish, bir birige tetur qarash, nepret bilen qarashni teqezza qilidu. Güzel exlaq dégen alaqisini üzgen adem bilen alaqe qilish, munasiwetni üzgen ademni izdep turush, alaqini qoyuqlashturush, semimi qérindashliq ornitish güzel exlaqtur."


Pikir qoshung

Radi'oning ishlitish shertlirige asasen, pikirliringiz tekshürgüchiler teripidin testiqlinishi we muwapiq derijide tehrirlinishi tüpeyli, tor bette derhal peyda bolmaydu. Siz qaldurghan mezmun'gha erkin asiya radi'osi jawabkar bolmaydu. Bashqilarning köz qarishi we heqiqetke hörmet qilishingizni soraymiz.

Toluq bet