Қәйсиридики йеңи коча-мәмәт җантүрк кочиси

Түркийигә кәлгинигә 50 йил тошқанда, бир кочиниң өз исми билән атилиши һафиз мәмәт җантүркни шундақла түркийидики уйғурларни һәқиқәтән һаяҗан вә пәхирлик һессиятқа чөмдүрди.
Ихтиярий мухбиримиз әркин тарим
2013-01-10
Share
memet-janturk-abdulqadir-305.jpg Кочиға исми қоюлған уйғур паалийәтчи һафиз мәмәт җантүрк әпәнди вә қәйсири шәһиридә яшаватқан абдулқадир әпәнди. 2013-Йили январ, түркийә.
RFA/Erkin Tarim

Қәйсиридики әһмәд йәсәви мәһәллисидики 44-кочиниң исми уйғур паалийәтчиси мәмәт җантүрк әпәндиниң исмиға өзгәртилди. Өткән һәптә қәйсири шәһәр башлиқи мәмәт өзһасәкигә вакалитән шәһәрлик һөкүмәттин доктор мурат җаһид җиңги әпәнди дуня уйғур қурултийи муавин рәиси, шәрқий түркистан күлтүр вә һәмкарлиқ җәмийити башлиқи сейит түмтүрк әпәнди билән бирликтә уйғур паалийәтчиси мәмәт җантүрк әпәндиниң өйигә йоқлап барди. Йоқлаш җәрянида, шәһәр башлиқи вәкили доктор мурат җаһид җиңги әпәнди шәһәрлик һөкүмәтниң һөҗҗәт чүшүрүши билән әһмәд йәсәви мәһәллиси 44-кочиниң исмини мәмәт җантүрк қилип өзгәртилгәнлик хәвирини мәмәт җантүрккә йәткүзди. У, мәмәт җантүрк әпәндиниң 1961-йили қәйсиригә көчүп кәлгәндин бүгүнгичә болған 51 йил җәрянида қәйсири хәлқигә ата вәтән шәрқий түркистанни тонутқанлиқи һәм шәрқий түркистан хәлқиниң дәрд-пәрядини түрк җамаәтчиликигә йәткүзгәнлики үчүн рәһмитини билдүрди.

Қәйсири шәһәр башлиқи мәмәт өзһасәкигә вакалитән шәһәрлик һөкүмәттин доктор мурат җаһид җиңги әпәнди д у қ муавин рәиси сейит түмтүрк әпәнди билән бирликтә уйғур паалийәтчиси мәмәт җантүрк әпәндиниң өйигә йоқлап барди. 2013-Йили январ, түркийә.
Қәйсири шәһәр башлиқи мәмәт өзһасәкигә вакалитән шәһәрлик һөкүмәттин доктор мурат җаһид җиңги әпәнди д у қ муавин рәиси сейит түмтүрк әпәнди билән бирликтә уйғур паалийәтчиси мәмәт җантүрк әпәндиниң өйигә йоқлап барди. 2013-Йили январ, түркийә.
RFA/Erkin Tarim

Һиҗритиниң 50-йилида бир кочиниң өз исми билән атилиши һафиз мәмәт җантүркни һәқиқәтән һаяҗан вә пәхирлик һессиятқа чөмдүрсиму, лекин униң қәлби өз вәтинигә болған сеғиниш иликидә пучилинатти.

1960-Йилларда җапалиқ тағ йоли арқилиқ түркийигә һиҗрәт қилған биринчи әвлад паалийәтчиләрниң көпи һәсрәт ичидә өз юртлириниң намини зикир қилип туруп җан бәргән болуп, кесәл каривитида җисманий һәм роһий азаб чекиватқан мәмәт җантүрк уларниң һаят қалған сәпдиши иди. Улар әркинлик вә азадлиқ күриши үчүн бәзилири қериндашлиридин айрилған болса, бәзилири ата-анисидин, йәнә бәзилири болса һәммила немисидин айрилған иди. Улар әнә шундақ һәсрәт, ялғузлуқ вә сәрсанлиқ ичидә түркийә чеграсиға кәлгинидә түркийә һөкүмити уларға йеңи өйләрни селип қәйсиридә уларға мәһәллә қуруп бәргән. Әнә шу биринчи әвлад паалийәтчиләрдин мәмәт җантүркниң түрк рәһбәрлириниң көйүнүшигә вә һөрмитигә еришиши қәйсиридики пүтүн уйғурларни тәсирләндүрди. Түркийиниң һәрқайси шәһәрлиридики һөкүмәтләр бурунму бәзи бағчә вә коча қатарлиқларға уйғурларниң исмини һәм уйғур шәһәрлириниң намини бәргән иди.

Кочиға исми қоюлған уйғур паалийәтчи һафиз мәмәт җантүрк әпәнди вә қәйсиридики уйғурлар. 2013-Йили январ, түркийә.
Кочиға исми қоюлған уйғур паалийәтчи һафиз мәмәт җантүрк әпәнди вә қәйсиридики уйғурлар. 2013-Йили январ, түркийә.
RFA/Erkin Tarim

Биз мәмәт җантүрк әпәндиниң бунчивала шөһрәткә еришәлишиниң сәвәби вә униң иш-излири һәққидә тәпсилий мәлуматқа еришиш үчүн қәйсиридики абдулқадир әпәнди вә сейит түмтүрк әпәндиләр билән сөһбәт елип бардуқ.

Пикирләр (0)

Барлиқ пикир - баянларни көрүш.

Пикир қошуң

Радиониң ишлитиш шәртлиригә асасән, пикирлириңиз тәкшүргүчиләр тәрипидин тәстиқлиниши вә мувапиқ дәриҗидә тәһрирлиниши түпәйли, тор бәттә дәрһал пәйда болмайду. Сиз қалдурған мәзмунға әркин асия радиоси җавабкар болмайду. Башқиларниң көз қариши вә һәқиқәткә һөрмәт қилишиңизни сораймиз.

Толуқ бәт