Memet tursun xitayning enqere elchixanisigha bomba atqan

Xitayning dölet bayrimigha bir kün qalghanda yeni 30 - séntebir sa'et 18:45 de, memet tursun Uyghur isimlik Uyghur istanbuldin enqerege kélip xitayning enqerede turushluq elchixanisigha bomba tashlighan.
Muxbirimiz erkin tarim
2009.10.02
Share on WhatsApp
Share on WhatsApp
memet-tursun-ankara-namayishida-305 Süret, 8 - awghust künidiki namayishta özige bénzin chéchip ot qoyuwetken memet tursun uyghur türkoghli "yashisun sherqi türkistan!" dep tawlimaqta. Éghir yaridar bolghan memet tursun ependi qutuldurush mashinisi bilen doxturxanigha élip kétilgen. Memet tursun ependi 4 - ayning 3 - küni istanbulda olimpik meshilini öchürüshke temshilip muweppeqiyetlik bolalmighan iken.
AFP Photo

Emma u ikkinchi bombini tashlash aldida turghanda, uni türk saqchiliri tutup ketken. U hazir enqerening sinjan rayonidiki sinjan türmiside tutup turulmaqta.

Xitay elchixanisigha étilghan bomba ot qoyup bérish üchün ishlitilidighan bomba bolghachqa, xitay elchixanisigha anche köp ziyan yetküzelmigen. Türük saqchiliri bügün'giche muxbirlarni xitay elchixanisining aldigha yéqinlashturmaywatidu.

Biz igiligen melumatlargha asaslan'ghanda, memet tursun Uyghur 7 kündin kéyin sotqa élip chiqilidiken.

Memet tursun Uyghur 2008 - yilliq olimpik musabiqisining xitayda ötküzülüshige naraziliq bildürüsh üchün xitayning enqere elchixanisida namayish ötküzülgende, özige ot qoyup naraziliq bildürgen idi. U, bedinige bénzin chéchip, ot yaqqanda türk saqchiliri ot öchürüsh mashinisi bilen öchürüwalghan bolsimu, emma u éghir yarilan'ghan idi.

Memet tursun Uyghur yene 2008 - yili 4 - ayning 3 - küni istanbulda béyjing olimpik mesh'ilini élip qéchishqa urun'ghan idi. Memet tursun Uyghur qandaq bir kishi? u néme üchün bu yolni tallighan? u Uyghur mesilisi heqqide némilerni oylaytti? bu so'allargha jawab tépish üchün, uning ayali we dostliri bilen söhbet élip barduq.

Yuqiridiki awaz ulinishidin, bu heqtiki melumatimizning tepsilatini anglaysiler.

Pikir qoshung

Radi'oning ishlitish shertlirige asasen, pikirliringiz tekshürgüchiler teripidin testiqlinishi we muwapiq derijide tehrirlinishi tüpeyli, tor bette derhal peyda bolmaydu. Siz qaldurghan mezmun'gha erkin asiya radi'osi jawabkar bolmaydu. Bashqilarning köz qarishi we heqiqetke hörmet qilishingizni soraymiz.