Намайишта өзигә от қойған мәмәт турсун истанбулдики дохтурханиға йөткәлди

2008 - Йили 8 - айниң 8 - күни әнқәрәдики хитай әлчиханиси алдида елип берилған намайишта өзиниң хитайға болған наразилиқини ипадиләш, хитайни әйибләш, уйғур хәлқи дуч келиватқан зулумни дуня җамаәтчиликигә йәткүзүш мәқситидә һаяти хәвп - хәтәргә қаримай өзигә от қойған мәмәт турсун әпәнди әнқәрә нәмунә дохтурханисидин истанбулдики бағчилар дөләт дохтурханисиға йөткәлди.
Мухбиримиз әркин тарим хәвири
2008-08-19
Share
MemetTursun-yotkeldi-305.jpg Сүрәт, мәмәт турсун уйғур әпәндиниң, 2008 - йили 8 - айниң 8 - күни әнқәрәдики намайишта, уйғур хәлқи дуч келиватқан зулумни дунйа җамаәтчиликигә йәткүзүш мәқситидә һайати хәвп - хәтәргә қаримай өзигә от қойуп йариланған вә дохтурханидин сақийип чиққандики көрүнүши.
RFA Photo / Erkin Tarim

 Дохтурларниң ейтишичә, бойни вә икки қоли еғир дәриҗидә көйгән мәмәт турсун бир мәзгил давалиниши вә дәм елиши керәк икән.

Мәмәт турсун әпәнди әнқәрә нәмунә дохтурханисида 11 күн даваланғандин кейин, 8 - айниң 19 - күни истанбулға елип меңилди. Мәмәт турсун әпәнди истанбулға учуш үчүн айродромға меңиш алдида, әнқәрәдә яшаватқан бир гуруппа уйғур қолида шәрқий түркистанниң айюлтузлуқ көк байриқи билән түркийиниң байриқини көтүргән һалда әнқәрә нәмунә дохтурханисиниң алдиға келип уни узитип қойди.

Игилишимизчә , мәмәт турсун истанбул бағчилар дөләт дохтурханисида бир мәзгил давалинидикән.

Әнқәрәдә паалийәт елип бериватқан шәрқий түркистан мәдәнийәт вә һәмкарлиқ җәмийити башлиқи хәйруллаһ әпәнди башчилиқидики бу уйғурларни көргән мәмәт турсун әпәнди, қаттиқ һаяҗанланған һалда өз туйғулирини радиомизға сөзләп бәрди. У дохтурханида йетиш җәрянида әнқәрәдики уйғурларниң өзини биркүнму ялғуз ташлап қоймиғанлиқини, буниңдин кейин өз вәтини шәрқий түркистанниң әркинлики үчүн қолидин кәлгәнни қилидиғанлиқини ейтти.

Биз йәнә туйғулирини елиш үчүн бүгүн ишлирини ташлап мәмәт турсунни узитиш үчүн дохтурханиға кәлгән әнқәрәдики уйғурларғиму микрофонимизни узаттуқ.

Пикирләр (0)

Барлиқ пикир - баянларни көрүш.

Пикир қошуң

Радиониң ишлитиш шәртлиригә асасән, пикирлириңиз тәкшүргүчиләр тәрипидин тәстиқлиниши вә мувапиқ дәриҗидә тәһрирлиниши түпәйли, тор бәттә дәрһал пәйда болмайду. Сиз қалдурған мәзмунға әркин асия радиоси җавабкар болмайду. Башқиларниң көз қариши вә һәқиқәткә һөрмәт қилишиңизни сораймиз.

Толуқ бәт